مس عینک کانینی قازیب چیقریش گه مسئول چین‌لیک شرکت «MJAM» مسئوللری، بوگون (چهارشنبه، ۳۱ جوزا) لوگر ده مس عینک کانی اطرافی ده‌گی محتاج ۳۰۰ عایله گه یاردم بیریش برنامه ده ایتیشلریچه، مس عینک کانی پروژه ایشینی باشلش اوچون، حاضرگچه قیینچیلیک موجود و اسلام امیرلیگی حل قیلیشی کیره‌ک.
مذکور شرکت اورین باسری جان جی کوی گه کوره، مس عینک کانی اطرافی ده‌گی ییرلر ساتیب آلینیشی مذکور پروژه ایشی باشلنمس‌لیک اساسی عامل‌لریدن دیر و اوشبو شرکت بو قیینچیلیک نی یالغیزلیک بیلن حل قیله آلمه‌یدی. او نینگ کوپه‌یتیریشیچه، مس عینک قراردادی قیته کوریلیب و اسلام امیرلیگی مذکور شرکت مسئوللری بیلن بو توغریده بحث ایتیشی لازم.
بیزلرنینگ فیسبوک صحیفه‌میزگه باش اورینگ!
جان جی کوی گه کوره: «مس عینک کانی شرطنامه‌سی قیته قوریب چیقیلیب و قرارداد باره‌سیده اوشبو شرکت بیلن مذاکره قیلینیشی لازم. اسلام امیرلیگی و کمپنی رسمی‌لری، موجود قیینچیلیک‌لر حلی باره‌سیده مذاکره قیلیب و پروژه نینگ عملی ایشی باشله‌نیش گه امیدوارمیز.»
عین‌حالده، معلومات و مدنیت وزیرلیگی نینگ فرهنگ و هنر ایشلری بوییچه معینی عتیق‌الله عزیزی گه کوره، مس عینک اطرافی ده‌گی قدیمی اثرلرنی یخشی روشده انتقال بیریش ریجه‌سینی تیارله‌گنلر.
او نینگ کوپه‌یتیریشیچه: «مس عینک اطرافی ده‌گی قدیمی اثرلرنی یخشی روشده انتقال بیریش اوچون بیر شرکت بیلن کیلیشماقده‌میز و مذکور پروژه اوز ایشینی تیزلیک بیلن باشلش اوچون تلاش قیلماقده‌میز.»
باشقه تاماندن، کان‌لر و پترولیم وزیرلیگی نماینده‌سی شکر‌الله گه کوره، مذکور وزیرلیک مس عینک کانی قازیب چیقریلیش ایشی باشله‌نیشی اوچون سعی‌وحرکت قیلماقده. او نینگ ایتیشیچه، کان‌لر و پترولیم وزیرلیگی چینی شرکت بیلن مذکور پروژه باره‌سیده‌گی قرشی‌لیک‌لر حلی اوچون مذاکره قیلماقده‌لر.
بیزلرنینگ توییترده هم تعقیب قیلینگ!
کان‌لر و پترولیم وزیرلیگی نماینده‌سی گه کوره: «کان‌لر و پترولیم وزیرلیگی، مذکور پروژه باره‌سیده موجود قیینچیلیک‌لر حلی اوچون مذاکره قیلماقده و بو وزیرلیک مس عینک کانی قازیب چیقریلیش عملی ایشی باشله‌نیشی اوچون سعی‌وحرکت قیلماقده.»
چین‌لیک شرکت «MJAM» ۱۳۸۷_ییل ثور آیی ده، مس عینک کانینی قازیب چیقریش قراردادی گه غلبه قازاندی؛ بیراق حاضرگچه امنیتی قیینچیلیک و کان ساحه‌سیده قدیمی اثرلر بارلیگی باعث، کان نی قازیب چیقریش ایشینی حاضرگچه باشلمه‌گن.