باله‌لردن حفاظت قیلووچی صندیغی یا-ده (Save the children)، ینگی‌لیکده اوز اکس صحیفه‌سیده بیر گزارش ترقه‌تیب و ایتیشیچه، اقلیم اوزگریشلری و افغانستان‌نینگ بیر قطار ولایت‌لریده یوز بیرگن سونگی سوو تاشقین‌لر، یشاوچیلر‌نینگ حیات کیچریشی‌نی قیین‌چیلیک بیلن روپه‌ره قیلیب و بو آره‌‌ده اینگ کوپ باله‌لر زیان کورگن.
مذکور تشکیلات گزارشی‌نینگ بیر بولیمی‌ده کیلیشیچه:«افغانستان ده یوز بیرگن سونگی سوو تاشقین‌لر نتیجه‌سیده، ۲۹ کیشی اولگن. شونینگدیک اولر آره‌سیده باله‌لر هم بار. بو سوو تاشقین‌لر افغانستان ده هوا اوزگریشلرینی کورسته‌دی و یوز بیره‌دیگن سوو تاشقین‌لر نتیجه‌سیده باله‌لر هم زیان کوره‌دی.»
شونینگدیک افغانستان ده بیرلشگن ملتلر تشکیلاتی‌نینگ انسان‌سیورلیک یاردم‌لرنی هماهنگ قیلووچی اداره‌سی یا-ده اوچانینگ آگاه‌لنتیریشیچه، یاغینگرچیلیک موسومی یقین‌لنیشی بیلن بیرگه، طبیعی واقعه‌لر خوفی آستیده قرار تاپگن کیشیلرنینگ کوپراق حمایت‌گه نیازی بار.
بیزلرنینگ فیسبوک صحیفه‌میزگه باش اورینگ!
اوچانینگ کوپه‌یتیریشیچه، اوچ ولایت‌ده یوز بیرگن سونگی سوو تاشقین‌لرده، یوزلب عایله و ایکینچیلیک ییر تاثیر آستیده قرار تاپگن.
باشقه بیر تاماندن، سونگی سوو تاشقین‌لرده زیان کورگنلردن قطاری‌نینگ ایتیشلریچه، یوز بیرگن سوو تاشقین‌لر نتیجه‌سیده برچه یا-ده بعضی نرسه‌لرینی قولدن بیریب و کوپینچه یاردم‌گه نیازلری بار.
سونگی هفته‌‌ده سوو تاشقینی یوز بیرگنی‌گه شاهد بولگن هلمند ولایتی سنگین تومنی یشاوچیسی آقا محمد‌نینگ ایتیشیچه: «سوو تاشقینی یوز بیریب و اهالی‌گه کوپینچه زیان ییتیشتیردی، اوی‌لر گه سوو کیتدی، سوو اوی و ییرلرنی اورتهدن کیتگزدی. حاضرگچه برچه نرسه‌میز لای آستیده قالگن. بو توغریده توجه بولینیشینی ایسته‌یمیز.»
اوشبو تومن یشاوچیلری‌دن باشقه بیری و مذکور سوو تاشقین‌لردن زیان کورگن شمس‌الله گه کوره: «اویی‌میز اورتهدن کیتدی، باشقه بیر ییرگه هم کیته آلمه‌یمیز. اوی‌لرنی ویران بولگن و هیچ نرسه‌میز یوق، حتا بیر وقت آوقتی‌میز هم یوق.»
شونینگدیک سونگی سوو تاشقین‌لر نتیجه‌سیده ایناغه‌سینی قولدن بیریب و اوغلی یره‌لنگن فراه یشاوچیسی عبدالبصیر‌نینگ ایتیشیچه: «دیوار گه پناه قیلدیک که دیوار چپه بولدی، بیر کیشی شهید بولدی و باشقه بیر کیشی ایسه یره‌لندی. بیزلر بیلن همکارلیکلر دوام قیلیشینی ایسته‌یمیز.»
شونده‌ی بیرحالده، حادثه‌لر گه قرشی کوره‌ش ملی اداره‌سی مسئوللری‌نینگ ایتیشلریچه، سونگی سوو تاشقین‌لرده اولگن کیشیلرنینگ عایله‌لری و یره‌لنگنلرگه نقدی یاردم ترقه‌تگنلر.
اوشبو اداره سوزلاوچیسی محمدعبدالله‌جان صایق‌نینگ ایتیشیچه، اولگنلر عایله‌لری بیلن یره‌لنگنلر گه یاردم بیریلیش دوامی اوچون حاضرگچه سروی‌نینگ دوامی بار. «شهید بولگنلر عایله‌لری‌گه نقدی پول ترقه‌تیلدی. یره‌لنگن کیشیلر هم وضعیت‌لر گه قره‌ب یاردم بولگن.»
بیزلرنینگ «ایکس» ترماغی ده هم تعقیب قیلینگ!
خلق‌ارا قاچقین‌لر تشکیلاتی، ینگی‌لیکده بیر گزارش ترقه‌تیش بیلن اعلام قیلیشیچه، ۲۰۲۱-ییل‌دن ۲۰۲۴-ییل‌گه قدر، افغانستان ده اقلیم اوزگریشلری نتیجه‌سیده، قریب ۳ میلیون کیشی بی‌جای بولگن.
ایتیش کیره‌ک که، اوتگن هفته فراه، هلمند و قندهار ده یوز بیرگن سوو تاشقین‌لر نتیجه‌سیده، ۳۶ کیشی اولیب و ۲۴ کیشی ایسه یره‌لنگن.
سرپرست حکومت طبیعی حادثه‌لر گه قرشی کوره‌ش ملی اداره‌سی‌نینگ معلوماتی اساسیده، مذکور سوو تاشقین‌لرده ۱۴۰ یشش اوی و یوزلب جریب ایکینچیلیک ییر بوتونلی شکلده ویران بولگن.
