خلق‌ارا قیزیل خاچ کمیته‌سی افغانستان بولیمی، «خلق‌ارا سوو کونی» مناسبتی بیلن افغانستان‌ده ۳۳ میلیون کیشی سوو تقچیلیگی بیلن روپه‌ره‌لیگینی معلوم قیلگن.
مذکور نهاد، بوگون (۲-حمل، شنبه) وبسایتیده ترقه‌تگن گزارشی‌ده، افغانستان‌نینگ ۸۰ فایز اهالیسی اساسی شکلده ایچیملیک سوودن فایده‌لنه آلمسلیگینی یازگن.
بیزلرنینگ فیسبوک صحیفه‌میزگه باش اورینگ!
خلق‌ارا قیزیل خاچ کمیته‌سی‌نینگ کوپه‌یتیریشیچه، بو احوال افغانستان اهالیسینی ایچیملیک سوو تیارلش، آوقت پیشیریش، دهقانچیلیک و باشقه اساسی احتیاجلرینی تأمینلش اوچون سوو تاپیش‌نی امکان‌سیز قیلگن.
شو بیلن بیرگه، بیرلشگن ملتلر تشکیلاتی خلق‌ارا آزیق-آوقت و ایکنچیلیک دستوری، اقلیم اوزگریشی افغانستان موزلیک‌لرینی تهدید قیلیشینی بیلدیرگن.
مذکور تشکیلات، ایکس صحیفه‌سیده افغانستان‌نینگ ایکینچیلیک ییرلری و بو مملکت‌ده آوقت تأمیناتی کوپراق طبیعی موزلیک‌لر آرقه‌لی عملگه آشیریله‌دی و اونی سقلش اقلیم اوزگریشی بیلن قرشی کوره‌ش دستورلرنینگ مهم بولیمی سنه‌لیشینی یازگن.
بیزلرنینگ «ایکس» ترماغی ده هم تعقیب قیلینگ!
باشقه تاماندن، بیرلشگن ملتلر تشکیلاتی اوشبو کون مناسبتی بیلن، دنیا مقیاسیده ایکّی میلیارد ۲۰۰ میلیون کیشی، ایچیملیک سوودن یخشی فایده‌لنه آلمسلیگینی معلوم قیلگن.
میلادی ۱۹۹۲-ییل، ۲۲- مارچ، بیرلشگن ملتلر تشکیلاتی تامانیدن چوچوک سوو منبعلریگه اعتبار قره‌تیش و اونی باشقریش مقصدیده، دنیا سوو کونی دیب نامله‌گن.
