افغانستان ایرکین میدیالریدن حمایت قیلووچی نهاد (نی)، بوگون خلقارا ییتکیرمه‌لر ایرکین‌لیک کونی مناسبتی بیلن بیر اعلامیه ترقه‌تیب ایتیشیچه، خلقارا ییتکیرمه‌لر و میدیالر ایرکین‌لیک کونی، خلقارا کون اوله‌راق بیرلشگن ملت‌لر تشکیلاتی تامانیدن رسمیت گه تانیلگن. نی گه کوره، شونینگدیک افغانستان ده هر ییل خلقارا ییتکیرمه‌لر ایرکین‌لیک کونی‌دن نشانلنه‌دی و بوگون‌دن نشانلش میدیالر و میدیالر نینگ ایرکین فعالیتی گه ارزش بیریش نی کورسته‌دی. نی نینگ کوپه‌یتیریشیچه، افغانستان ده اوتگن ایکی دهه نینگ اونملی یوتوق‌لریدن بیری، اوشبو مملکت‌ده میدیالر نینگ ایرکین فعالیتی، سوز ایرکین‌لیگی و معلومات گه قول تاپیش دیر.
بیزلرنینگ فیسبوک صحیفه‌میزگه باش اورینگ!
نی گه کوره، افغانستان ده میدیالر و خبرچیلر نینگ ایرکین فعالیتی، بشری حق صفتیده تضمین بولیشی کیره‌ک. افغانستان ایرکین میدیالریدن حمایت قیلووچی نهاد نینگ ایتیشیچه: «لیکن قریب ایکی ییل‌دن بیری افغانستان ده میدیالر ایرکین فعالیتی جدی بیر قیین‌چیلیککه اوزگرگن. افغانستان ده سیاسی اوزگریش‌لردن کیین، ایرکین میدیالردن قریب یریمی اقتصادی قیین‌چیلیک و مملکت‌ده موجود قیین‌چیلیک‌لر سبب، فعالیتلری نی توخته‌تگنلر. شونینگدیک میدیالر فعالیتی توخته‌یشی بیلن، خبرچیلر و میدیالر ایشلاوچیلریدن قریب ۶۵ فایزی ایش‌سیز بولگن.»
افغانستان ایرکین میدیالریدن حمایت قیلووچی نهاد نینگ اعلامیه‌سیده کیلیشیچه، حاضرگی شرایط‌ده میدیالر نینگ ایرکین فعالیتی، سوز ایرکین‌لیگی نینگ تمثیلی، معلومات گه قول تاپیش و خبرچیلر نینگ جانی و روحی مصونیتی خواطرلنتیرووچی دیر و اوشبو وضعیت نینگ دوام تاپگنی صورتده، افغانستان ده ایرکین میدیالر اوچون قیین‌چیلیک بولیشی ممکن. نی نینگ اورغولشیچه، ینه بیر مرته خلقارا نهاد‌لردن افغانستان خبرچیلری و میدیالریدن حمایت و سونگی ایکی دهه‌‌گی سوزلری گه عمل قیلیش‌لری نی ایسته‌گن.
بیزلرنینگ توییترده هم تعقیب قیلینگ!
افغانستان ایرکین میدیالریدن حمایت قیلووچی نهاد نینگ ایتیشیچه، دنیا جماعه‌سی و خبرچیلر و میدیالردن حمایت قیلووچی نهاد‌لر، دنیا بویلب افغانستان خبرچیلری و میدیالر جماعه‌سی نی یالغیز قویمه‌یشی نی کوتیب تورگن. اوشبو نهاد گه کوره، خلقارا حمایت‌لر نینگ دوام تاپیشی، سوز ایرکین‌لیگی، معلومات گه قول تاپیش و افغانستان ده میدیالر نینگ ایرکین شکلده فعالیتی کبی اساسی ارزش‌لر نی تضمین قیله‌دی.
