خلقارا هواشناسلیک تشکیلاتینینگ بیر گزارش آرقهلی یازیشیچه، ییرنینگ اقلیمی وضعیتی تاریخدهگی اینگ کیسکین درجهگه ییتیشگن.
اوشبو تشکیلاتنینگ بوگون (۳-حمل/ ۲۳-مارچ، دوشنبه)، «خلقارا هواشناسلیک کونی» مناسبتی بیلن یازیشیچه، گلخانهای گازلر مقداری آشیشی، اتموسفیر همده اقیانوسلرنینگ ایسیق بولیشی و موزلر ایریشیگه سبب بولگن. مذکور تیز و کینگ قمراولی اوزگریشلر، یوزلب و حتا مینگلب ییل دوامیده ضررلی عاقبتلرگه آلیب کیلیشی ممکن.
خلقارا هواشناسلیک تشکیلاتی گزارشی اساسیده، ۲۰۱۵ دن ۲۰۲۵ گچه بولگن ییللر، تاریخنینگ سونگی ۱۱ ییل ایچیده اینگ ایسیق ییللری صفتیده تانیلیب و ۲۰۲۵-ییل، ایکینچی یا-ده اوچینچی اینگ ایسیق ییل دیب قید ایتیلگن.
شوندهی بیرحالده، بیرلشگن ملتلر تشکیلاتی باشکاتبی آنتونیو گوترشنینگ ایتیشیچه، دنیا اقلیمی فوقالعاده حالتده بولیب و اقلیم بیلن باغلیق هر بیر مهم نرسه، خوف حقیده آگاهلنتیرماقده.
گوترش گه کوره، هوا اوزگریشلری جدی ایسیق، استوایی بورانلر، کوچلی یاغینگرچیلیکلر و سوو تاشقینلرگه سبب بولگن که میلیونلب کیشینی تاثیر آستیده قوییب و میلیاردلب دالر زیان کیلتیرگن.
خلقارا هواشناسلیک تشکیلاتینینگ آگاهلنتیریشیچه، هوا اوزگریشلری اوزاق مدتلی تاثیرلرگه سبب بوله آلهدی.
مذکور نهادنینگ کوپهیتیریشیچه، خلقارا هواشناسلیک کونی بو ییل «بوگون کوزهتیش، ایرتهدن حفاظت قیلیش» شعاری بیلن اوشبو موضوع اهمیتیگه تاکید قیلهدی.
۲۳-مارچ دن هر ییلی هوا وضعیتی پیشبینلیک بولیشی و هوا اوزگریشلری اهمیتی حقیده عمومی آگاهیلیک آشیشی مقصد، خلقارا هواشناسلیک کونی صفتیده نشانلنهدی.
