افغانستانده بیرلشگن ملتلر تشکیلاتی نینگ خلق‌ارا آزیق-آوقت دستوری، سۉنگی توقیز آی ده افغانستانده ۲۶۰ مینگ کیشی گه آزیق-آوقت یاردم بیرگنینی معلوم قیلگن.
بو نهاد ۸-اسد، دوشنبه کونی وبسایتیده ترقه‌تگن گزارشیده، بو یاردملر بادغیس، بامیان، فراه، غور، هلمند، هرات، کابل، قندهار، کاپیسا، خوست، کنر، لغمان، ننگرهار، نورستان، پکتیا و ارزگان ولایت‌لریده توزیع بولگن.
بیزلرنینگ فیسبوک صحیفه‌میزگه باش اورینگ!
خلق‌ارا آزیق-آوقت دستوری نینگ کوپه‌یتیریشیچه، اوشبو مدت ایچیده اون، نخود، یاغ و توز شامل قریب تورت مینگ متریک تُن آزیق-آوقت محتاج کیشی‌لر گه توزیع قیلگن.
مذکور تشکیلات نینگ گزارشی بیر بولیمیده کېلیشیچه: «خلق‌ارا آزیق-آوقت دستوری محتاج کیشی‌لر جمله دن سرپرست‌سیز عیاللر، کیکه‌سی کیشی‌لر بولگن عایله‌لر، کمبغل و آواره عایله‌لر نی اولویت بیرگن.»
بیزلرنینگ «ایکس» ترماغی ده هم تعقیب قیلینگ!
خلق‌ارا آزیق-آوقت دستوری گه کوره، اوشبو یاردملر نینگ اوچ میلیون ۲۰۰ مینگ دالری افغانستان انسان پرورلیک امانی صندیغی تامانیدن توللـه‌نیلگن.
اوشبو تشکیلات نینگ معلوماتی اساسیده، اۉتگن میلادی ییلده بو نهاد افغانستانده ۱۸ میلیون ۶۰۰ مینگ کیشی گه یاردم کورستگن، اولر نینگ توقیز میلیون ۳۰۰ مینگ نفرینی عیاللر و ۱۱ میلیون نفرینی باله‌لر تشکیل بیره‌دی.
