بیرلشگن ملتلر تشکیلاتینینگ خلقارا آزیق-آوقت دستوریگه کوره، بودجه کملیگی سبب افغانستان ده سکیز میلیون کیشیگه یاردم کورسهتیشنی توختتهدی.
مذکور نهاد، بوگون (۴-جوزا، یکشنبه)، بیر بیانیه آرقهلی یازیشیچه، «افغانستانلیک هر اوچ کیشیدن بیرتهسی آچلیک تهدیدی آستیده قرار تاپگن.»
بیزلرنینگ فیسبوک صحیفهمیزگه باش اورینگ!
خلقارا آزیق-آوقت دستوریگه کوره، نیازی بولگن بودجهنینگ تامینلنمهگنی صورتده، افغانستان ده میلیونلب کیشی آزیق-آوقت یاردملریدن محروم بولهدی.
بیرلشگن ملتلر تشکیلاتی خلقارا آزیق-آوقت دستورینینگ ایتیشیچه، حاضرگچه آزیق-آوقت خوفسیزلیگی دوام قیلگنی بیرحالده، اقلیم بحرانی هم وضعیتنینگ آغیرلشیشیگه سبب بولگن. «اقلیم بحرانی افغانستان یشاوچیلرینینگ اویلری و ایکینزارلرینی ویران قیلهدی. بیردن یوز بیرهدیگن سوو تاشقینلر و ییللر قوروقچیلیک بیلن، میلیونلب کیشی آزیقآوقت ییتیشتیریش یا-ده درآمد قولگه کیلیتریش اوچون ضرور واسطهلردن محروم بولهدیلر.»
بیرلشگن ملتلر تشکیلاتینینگ اوشبو دستوریگه کوره، بودجه کملیگی سبب یالغیز آلتی میلیون کیشینی حمایت قیله آلهدی و باشقه سکیز میلیوندن آرتیق کیشی یاردملرنی قولگه کیلتیریشدن محروم بولهدیلر.
خلقارا آزیق-آوقت دستورینینگ ایتیشیچه، نیازمند کیشیلرگه یاردم بیریش اوچون ۲۰۲۵-ییل اگست آییگچه ۵۵۵ میلیون دالرگه نیازی بار.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتینینگ معلوماتی اساسیده، افغانستان جمعیتیدن یریمی-قریب ۲۳ میلیون کیشی- جاری میلادی ییلده بشری یاردملرگه نیازی بار؛ بیراق بو تشکیلات جدی شکلده بودجه کملیگی بیلن روپهره دیر.
بوندن آلدین، اسلام امیرلیگی اقتصاد وزیرلیگی افغانستان اهالیسینینگ آزیق-آوقت نیازلرینی تامینلش اوچون بشری یاردملر دوامینی اونملی دیب، بیراق اوزاق مدتلی اقتصادی وضعیتنی یخشیلش اوچون بو یاردملرنینگ آستقورمهلرنی رواجلنتیریش و ایش فرصتلری یرهتیشگه قرهتیلیشی کیرهکلیگیگه تاکیدلهگن.
