خلقارا آزیق-آوقت کونی بیلن بیرگه، بیرلشگن ملتلر تشکیلاتی باشکاتبی آنتونیو گوترش، دنیا ده آچلیک کوچهیشیگه نسبت آگاهلنتیریب و ایتیشیچه، دنیا بویلب حاضرگچه هر کیچه قریب ۶۷۳ میلیون کیشی آچ اوخلهیدی.
گوترش، بوگون (۲۴-میزان، پنجشنبه)، بیر ویدیو فایل آرقهلی آچرچیلیک انقراضی بیلن قرشی کورهش اوچون خلقارا بیردملیکنی سورهگن.
او دولتلر، خلقارا نهادلر و مدنی جمعیتلردن، برقرار آزیق-آوقت تیزیملری قوریلیشی اوچون قوشمه شکلده سعیوحرکت قیلیشلرینی ایستهگن.بیرلشگن ملتلر تشکیلاتی باشکاتبیگه کوره، هوا اوزگریشلری، اوروشلر، اقتصادی نابرابرلیک و آزیق-آوقت محصوللری قیمتی کوپهیشی، دنیاده میلیونلب کیشینینگ آزیق-آوقت خوفسیزلیگینی تهدید قیلهدیگن اینگ اونملی عامللردن دیر.
گوترش، دنیانینگ تیزلیک بیلن اقدام قیلیشی ضرورلیگیگه تاکید قیلیب و ایتیشیچه: «کیلینگلر جواب بیرهیلیک. کیلینگلر ینه بیر مرته آزیق-آوقت سیستملرینی توزهتیش مقصد ییغیلهیلیک که اهالی آوقتلنسین و ییر سیارهسیدن محافظت قیلسینلر.»
هر ییلی ۱۶-اکتبر خلقارا آزیق-آوقت کونی صفتیده نشانلنهدی. اوشبو کون بیرینچی مرته ۱۹۴۵-ییلده بیرلشگن ملتلر تشکیلاتینینگ ایکینچیلیک و آزیق-آوقت دستوری آچیلگنیده، ناملنگن.
