بیرلشگن ملتلر تشکیلاتی باشکاتبی آنتونیو گوترشنینگ ایتیشیچه، قیته تیکلنووچی انرژیدن فایدهلنیش، فسیل یاقیلغیلریدن پاک انرژیگه عدالتلی اوتیش اوچون ضرور شرایطلرنی یرهتیشی ممکن.
گوترش، بو موضوعنی بوگون (۲۶-جنوری/ ۶-دلو، دوشنبه)، خلقارا پاک انرژی کونی مناسبتی بیلن اکس صحیفهسیده بیان قیلیب و کوپهیتیریشیچه، ۲۰۳۰-ییلگچه دنیا ده قیته تیکلنووچی انرژیلر ایشلب چیقریلیشینینگ اوچ برابر بولیشی کیرهک.
بیرلشگن ملتلر تشکیلاتی باشکاتبینینگ اورغولشیچه، انرژی ایشلب چیقریش ساحهسیده پاک کیلهجک مملکتلر اختیاریده دیر.
بیرلشگن ملتلر تشکیلاتی، بوندن آلدین هم هوا اوزگریشلری عاقبتلریدن خواطر بیلدیریب و مملکتلردن، پاک انرژیدن فایدهلنیشگه متعهد بولیشلری و بو بولیمده سرمایه یاتقیزیشلرینی ایستهگن.
بیرلشگن ملتلر تشکیلاتی عمومی مجمعسی ۲۶ جنوری، خلقارا قیته تیکلنووچی انرژیلر آژانسی تشکیل ایتیلگن کوننی، خلقارا پاک انرژی کونی صفتیده ناملهگن.
