پروان ده محلی مسئوللر، دنیا بانکینینگ مالی حمایتی بیلن اوشبو ولایت کوهصافی تومنیده اوچته سوو ییتکزیش ترماق قوریلیشیدن خبر بیرگن.
پروان قیشلاقلرنی رواجلنتیریش و قیته قوریش ریاستی مطبوعات مسئولی عبدالصبور رویتنینگ ایتیشیچه، اوشبو لایحهلر ییتی میلیون ۷۴۴ مینگ افغانی عوضیگه عملگه آشیریلهدی.
جناب رویتنینگ کوپهیتیریشیچه، مذکور سوو ییتکزیش ترماقلر ایشی یکونلنیشی بیلن ۵۱۰ عایلهگه ایچیملیک سوو تامینلنیشی ممکن.
ایچیملیک سوودن فایدهلنیش امکانیتی آزلیگی، افغانستان اینیقسه قیشلاقدهگی یشاوچیلرنینگ جدی قیینچیلیکلریدن بیری حسابلنهدی. خلقارا نهادلرنینگ گزارشی اساسیده، میلیونلب کیشی تینچ سوو منبعلریدن فایدهلنه آلمهیدی.
کیتمه-کیت قوروقچیلیکلر، ییر آستی سوو منبعلری کمهیشی و سوو ییتکزیش ستندرد آستقورمهلر یوقلیگی، افغانستان ده بو قیینچیلیک اصلی سببلریدن حسابلنهدی.
