سمنگان ده محلی مسئوللرنینگ ایتیشلریچه، اوشبو ولایتده ۱۶ میلیوندن آرتیق افغانیلیک ۷ ته ترقیاتی لایحه ایشی باشلنگن.
سمنگان قیشلاقلرنی رواجلنتیریش و قیته قوریش ریاستی باشلیغی اخترمحمد مصباحنینگ ایتیشیچه، اوشبو لایحهلر ایشی اوتگن دوشنبه کونی، مذکور ولایت مرکزی ایبک شهری و خرموسارباغ تومنیده باشلنگن.
بیزلرنینگ فیسبوک صحیفهمیزگه باش اورینگ!
جناب مصباحنینگ کوپهیتیریشیچه، مذکور ترقیاتی لایحهلر ۱۶ میلیون ۵۸۵ مینگ افغانی عوضیگه، بیرلشگن ملتلر تشکیلاتینینگ خلقارا آزیق-آوقت دستوری (WFP) مالی حمایتی همده بشری یاردملرنی هماهنگلشتیریش موسسهسی (CHA)، تخنیکی همکارلیگی بیلن عملگه آشیریلگن.
سمنگان قیشلاقلرنی رواجلنتیریش و قیته قوریش باشلیغیگه کوره، بو لایحه ۲۸۰ متر دیوار، ۲۵۰ متر ایکینچیلیک سوو کانالی، بیرمینگ ۶۲۰ مترمکعب امکانیت بیلن بیرته سوو ذخیرهسی و بیرته کوپریک قوریلیشیدن عبارت دیر.
بیزلرنینگ «ایکس» ترماغی ده هم تعقیب قیلینگ!
ایتیلیشچه، اوشبو ۷ ته ترقیاتی لایحه ایبک شهرینینگ «درهی ژوندون» و «رباتک» ساحهلری و خرموسارباغ تومنینینگ «دهنو سارباغ» و «کلور» ساحهلریده عملگه آشیریلهدی.
