تورکیهده بیر عیال، قیمتی ۱۳۳ مینگ دالردن آرتیق بولگن بیر کیلوگرام «آلتین»نی چیقیندیگه تشلب یوبارگن.
ییتکرمهلرنینگ معلوماتیگه کوره، تورکیهنینگ بورسا شهریده استقامت قیلووچی عیال ایچیده بیر کیلوگرام «آلتین» بولگن پاکتنی ادهشیب چیقیندیگه تشلب یوبارگن.
معلوماتلر گه کوره، اوشبو آلتینلرنینگ قیمتی ۶.۱۳ میلیون تورک لیرهسی (۱۳۳ مینگ دالردن آرتیق) بولیب و عایله اعضالریگه اوی ساتیب آلیش اوچون اولرنی کوپ ییللر دوامیده ییغیب کیلگن.
واقعه، بورسا ولایتینینگ اکچالار محلهسیده صادر بولگن. آلتینلر یوقالگنی پیقب قالینگچ، عایله پولیس و محلی شهر خذمتلریگه مراجعت قیلگن و اولر قیمتبها بویوملرنی قیدیریشنی باشلهگن.
مذکور تورکیهلیک عیال، اوی تازهلهیاتگنده پاکتنی چیقیندی دیب اویلب، اونی چیقیندیگه تشلب یوبارگن.
