کابل و بیر قطار ولایت یشاوچیلرینینگ سلاموطندار گه ایتیشلریچه، اقتصادی قیینچیلیکلر، دارولرنینگ زیانلریدن آگاهیسیزلیک و شفاکارلر فیسی یوقاریلیگی همده نسخهده کوپینچه دارو یازیلیشی سبب، موسومی کسللیکلری دوالنیشی اوچون ساغیلقنی سقلش مرکزلریگه بارمهیدیلر.
کسل بولگنی پیتده دوالنیش اوچون شفاکار گه مراجعت قیلمهگن پروان ولایتی یشاوچیسی بولمیش ۲۱ یاشر زینبنینگ ایتیشیچه: «نیچه کوندن بیری کسلمین، بیراق شفاکار گه بارمهدیم. داروخانهدن دارو آلدیم، لیکن حاضرگچه ساغلیق وضعیتیم یخشی بولمهگن. شفاکارگه بارگنیمده بلکیم تیزراق وضعیتم یخشی بولهر ایدی. اوز باشیمچهلیک دارولردن فایدهلنیشنینگ زیانلرینی هم بیلمهیمن.»
سینهوبغل بولیب و شفاکار فیسینینگ کوپلیگی سبب، اوز باشیمچهلیک دارولردن فایدهلنگن ۲۰ یاشر فرزادنینگ بو توغریده ایتیشیچه: «کسل بولگنیم باش کونلرده پرستامولدن فایدهلندیم، ساغهیمن دیب توشینگن ایدیم. سیفترکزون آلدیم، لیکن کسللیگیم کوپهیدی و ینه هم پیچکاری آلیشگه مجبور بولدیم. شفاکار گه بارمهدیم، چونکه فیسی کوپ و کوپ دارو بیرهدی. شونینگدیک ساغهیشدن کیین هم ینه شفاکار گه باریش کیرهک.»
بیزلرنینگ فیسبوک صحیفهمیزگه باش اورینگ!
کسل بولیب و اوز باشیمچهلیک دارولردن فایدهلنگن لوگر یشاوچیسی محباللهگه کوره، دارولرنینگ زیانیدن آگاه بولگنی بیرحالده، اقتصادی قیینچیلیک سبب دوالنیش مرکزلریگه مراجعت قیله آلمهگن. «ایکی هفته کسل ایدیم و اقتصادی قیینچیلیک سبب شفاکار گه بارمهدیم. دارولرنینگ زیانلرینی هم بیلهر ایدیم، لیکن جدی شکلده کسل بولگنیم اوچون نسخهسیز اوزیم دارو ساتیب آلدیم.»
شوندهی بیرحالده، کابل شهریدهگی دارو ساتهدیگنلردن قطاری، هوانینگ ساووق بولیشی بیلن نسخهسیز مراجعت قیلهدیگن کسللر سانینینگ ۵۰ دن ۶۰ فایز کوپهیگنینی تصدیقلهگنلر. اوشبو دارو ساتووچیلر، اقتصادی قیینچیلیکلر، دولتی کسلخانهلرده کسللرگه توجهسیزلیک و اوز باشیمچهلیک دارولردن فایدهلنیش اوچون باشقهلرنینگ توصیهلرینی، کسللرنینگ شفاکار گه مراجعت قیلمسلیک اصلی سببلریدن دیگنلر.
کابل شهریدهگی دارو ساتووچیلردن برکتالله ولیزادهنینگ ایتیشیچه، نسخهسیز دارولردن فایدهلنیش، انسان ساغلیگی اوچون کوپینچه قیینچیلیککه سبب بوله آلهدی. «هوا ساوویشی بیلن نسخهسیز مراجعت قیلهدیگن کسللر سانی ۵۰-۶۰ فایز آشگن و اونینگ سببی ایسه اقتصادی قیینچیلیک، دارولر زیانی حقیده اهالی آگاهیسیزلیگی و جمعیتده ناتوغری ایشانچلر و فرهنگ دیر. اوز باشیمچهلیک دارولر ۸۰ فایز فایدهلی بولسهده، ینه هم زیانلری بار.»
شونینگدیک کابل دهگی دارو ساتووچیلردن باشقه بیری دوستمحمدنینگ ایتیشیچه: «ایکی تور دارومیز بار، بیرتهسی نسخهسیز هم بیریلهدی که اونی OTC دییلهدی که آغریقنی قالدیرهدیگن دارولر و انتی بیوتیک دیر. دارو بیرهدیگن دارو ساتووچیلر دارو دوزینی کسلگه بیللی قیلیشی کیرهک، بیللی بولمهگنیده کوپینچه ضرری بولیشی ممکن.»
بیزلرنینگ «ایکس» ترماغی ده هم تعقیب قیلینگ!
عمومی ایچکی بولیم متخصصی امانالله اماننینگ ایتیشیچه، اوز باشیمچهلیک دارولرنی استعمال قیلیش، تنهنینگ مذکور دارو گه عادت قیلیشی و اوتمیشدهگی اثرینینگ قالمسلیگیگه سبب بولهدی که نتیجهده، دارو آز یا-ده بوتونلی اثر قیلمهی و دوالنیشنی قیینلشتیره آلهدی.
او، کسللرنینگ تیزلیک بیلن شفاکار گه مراجعت قیلیشی اهمیتیگه تاکیدلب و اوز باشیمچهلیک دارولر استعمال قیلینیشینینگ یامان عاقبتلری توغریسیده ایتیشیچه: «کسل بولگن کیشی، آغریقنی قالدیرهگن دارولر و سویوق نرسهلردن فایدهلنسین. کسللیک اوچ کوندن کوپراق دوام قیلگنیده شفاکار گه باریلیش کیرهک. اوز باشیمچهلیک دارولردن فایدهلنیلسه، هم اقتصادی نقطهی نظریدن و همده ساغلیق نقطهی نظریدن ضرر کورهدیلر، چونکه تنه دارو برابریده چیدهملی بولهدی و کیین قویراق دارو آلیش کیرهک که، قیمتی یوقاری دیر.»
شفاکارلرنینگ کوپهیتیریشلریچه، اوز باشیمچهلیک دارولرنینگ حددن تشقری استعمال بولیشی، کسللیک کوچهیشی، میکروبنینگ چیدهملی بولیشی و هاضمه سیستمی، بویرهک و جگرده قیینچیلیکلرگه سبب بوله آلهدی.
