غزنی ولایتی خواجهعمری تومنینینگ «قبلدال» قیشلاغیدهگی باغدارلردن محرابعلینینگ سلاموطندار گه ایتیشیچه، قیش موسومیده بیر دهقان و باغدارنینگ ایش حجمی کمهیشی بیرحالده، لیکن ینه هم بجریلیشی ضرور بولگن اَیریم ایشلر بار.
محرابعلی درختلر اطرافینی بیل اوریش، توپراق بیلن حیوانی کودنی قوشیش همده کوز موسومی آخری و قیش موسومی باشیده ییرلرنینگ سووغاریلیشیگه اشاره قیلیب و کوپهیتیریشیچه: «کوز موسومیده برگلر توکیلهدی، چونکه درختلر اطرافیگه بیل اوریلهدی و یانیگه اوی شورهسی و ایکینچیلیک شورهسی تشلنهدی و اوندن کیین ییرلرگه سوو بیریلهدی که اونگه یخآب دیهمیز. اوندن کیین کوکلمگچه ییرلرگه هیچ ایشیمیز یوق. قیشده بیریلهدیگن اوشبو یخآب و شوره، کوکلم باشیده ییرلرنینگ ملایم بولیشی و بیل اوریش بیلن ایکین اوچون تیارلنیشیگه سبب بولهدی.»
غزنی ولایتی قرهباغ تومنیدهگی دهقانلردن محمد علی، قیش موسومیده برگلر و یاوای اوتلر ییغیلیشی همده درختلرگه کود بیریلیشنی بیان قیلیب و ایتیشیچه: «ییلنینگ بو موسومیده، برگلر توکیلهدی و درختلرنینگ قوریگن شاخهلری و برگلری توپلنهدی. اوندن کیین، میوهلی درختلر اطرافیگه بیل اوریلهدی و ییرلر قار اوچون تیارلنهدی. شونینگدیک قیش آخریده، آفتاب گه قرهگن ییرلر، بیل اوریلیشگه تیارلنهدی.»
شونینگدیک غزنی مرکزیدهگی دهقانلردن غلامحضرتنینگ ایتیشیچه: «قیش ییتیب کیلیشیده، جایلردن کوپینچهسینی چقر قیلهمیز و حیوانی کود بیلن زراعتی کودنی تیارلهیمیز که حمل آییده درختلرگه کود بیریلیشی پیتیده فایدهلنیلسه.»
غزنیدهگی دهقانلر و باغدارلرنینگ تصدیق قیلیشلریچه، ایکین موسومی یکونیگچه بیر دهقان و بیر باغدارلرنینگ مسئولیتلری یکونلنمهیدی و شونینگدیک قیشده هم مهم ایشلری بار.
شوندهی بیرحالده، ایکینچیلیک ایشلری بوییچه ایش بیلرمان محمدامین خلجنینگ سلاموطندار بیلن اوتکزگن صحبتلریده، یاوای اوتلر ییغیلیشی، درختلرگه دارو سیپیلیشی، توپراقنینگ قیته تیکلنیشی، اوسیملیک آفتلری بیلن قرشی کورهش و قیشده جبرلنهدیگن درختلرگه توجه قیلینیشیگه تاکید قیلگن.
اونینگ ایتیشیچه: «درخت یا-ده ییرده قالهدیگن میوهلرنینگ تازهلنیشی و کیین درختلر شاخهلری قیرقیلیشی کیرهک. موسوم آخریده سووغاریش جودهیم مهم دیر؛ درختلر قیش ییتیب کیلمسدن آلدین بیرمرته کوپ سووغاریلیشی کیرهک. شونینگدیک کود بیریلیشی مهم دیر. حیوانی کود توپراق بیلن قوشیلیب و درختلرنینگ قویی قسمیگه تشلهنیشی کیرهک. شونینگدیک درختلر تنهسینی سقلش هم مهم دیر. چوریشلیک کوریلگنیده صورتده درختلر تنهسی یاغلهنیب و یاپیلیشی کیرهک که ساووق اورمه و آفتلردن سقلهنسین. شونینگدیک آفتلرگه قرشی کورهش هم ضروری اقداملردن دیر.»
غزنی ایکینچیلیک، سووغاریش و چاروهچیلیک ریاستی مسئوللری، قیشده درختلرنی سقلش و رواجلنیشی اوچون بو ریاست برنامهلریدن خبر بیریب و ایتیشلریچه، هر ییلی بو ولایت باغلریده قیشده یاغلش و یوریا اسپری تطبیق بولینیشینینگ عملگه آشیریلیشی کیرهک.
بو توغریده غزنی ایکینچیلیک ریاستی اوسیملیکلرنی سقلش عمومی مدیری محمدزکریا هوتکنینگ ایتیشیچه: «غزنی ولایتینینگ خواجهعمری، خوگیانی، دهیک، قرهباغ، اندر و واغظ شامل آلتی ولایتده مکتب مزرعه پروگرامی و یوریا اسپری پروگرامی عملگه آشیریلگن. بو برنامهلر جریانیده ۱۲۰۰ دن آرتیق دهقان و باغدار کیمیاوی دارولرنینگ اوز باشیمچهلیک فایدهلنیشی آلدی آلینیشی توغریسیده تعلیم کورگن. شونینگدیک غزنی ریاستی قیش بوییچه تیل پروگرامی و لایمسلفر محلولی ترکیبی پروگرامینی هم آلتی تومنده عملگه آشیرگن.»
غزنی، مملکتنینگ ساووق ولایتلریدن بولیب، کوز موسومی آخرلریده باغدارلیک و ایکینچیلیک ییرلریده عملی ایشلردن کوپ قطاری یکونلنهدی. بو بیلن بیرگه، مذکور ولایتدهگی باغدارلر و دهقانلر ییلنینگ تورتدن آرتیق آیینی ازراق ایش حجمی بیلن اوتکزهدیلر؛ لیکن ایش بیلرمانلرنینگ اورغولشیچه، بو دوره کیلهسی ییلده یخشیراق محصول قولگه کیلتیریش اوچون تیارگرلیک موسومی دیر.
