کنر ولایتی چوکی (څوکی) تومنی، دیوهگل درهسی یشاوچیلریدن قطاریگه کوره، اوشبو ولایتده زلزله یوز بیرگنیدن سونگ، ایچیملیک سوودن فایدهلنیشلری چیکلنگن.
دیوهگل درهسی یشاوچیلریدن محمدشیریننینگ ایتیشیچه، اوشبو ولایتده یوز بیرگنن سونگی زلزله نتیجهسیده سوو منبعلریدن کوپینچهسی بوزیلگن. اونینگ کوپهیتیریشیچه: «ایچیملیک سووگه جدی بیر شکلده نیازیمیز بار؛ بوندن آلدین بولاقلردن فایدهلنه آلهر ایدیک، بیراق زلزلهده سوو منبعلری بوزیلیب یا-ده قوریگن.»
بیزلرنینگ «ایکس» ترماغی ده هم تعقیب قیلینگ!
مذکور دره یشاوچیلریدن باشقه بیری اسماعیلنینگ ایتیشیچه: «سوو ییتکزیش سیستمی بوزیلگن، بوندن آلدین بیراز یخشی ایدی، حاضر ایسه پایپلر سینگن و بو درهگه سوو کیلتیریش جودهیم قیین دیر. یامان بیر وضعیتدهمیز.»
دیوهگل یشاوچیلریدن دوستمحمدگه کوره، سوو منبعلریدن فایدهلنه آلمسلیک، اوشبو دره یشاوچیلرینی قیینچیلیک بیلن روپهره قیلگن. اونینگ کوپهیتیریشیچه: «قیشلاغیمیزده هیچ سوو قودوغی یوق، بالهلر، عیاللر و ایرککلردن برچهسی کسل بولگن؛ چونکه ایچیملیک سوودن فایدهلنه آلمهیمیز.»
شوندهی بیرحالده، کنر ده زلزلهدن زیان کورگن شاهزادگلنینگ ایتیشیچه، سوو منبعلری قوریگنی سبب، پاک بولمهگن سوولردن فایدهلنیشگه مجبورلر. «قودوغیمیز یوق و ایچیلیش امکانیتی بولمهگن سوولرنی ایچهمیز؛ چاروهلر ایچهدیگن سوولردن، بیزلر هم ایچهمیز، چونکه مجبورمیز.»
کنر یشاوچیلری، اسلام امیرلیگی و یاردم بیرووچی نهادلردن، اولرگه ایچیملیک سوودن فایدهلنیش امکانیتی یرهتیلیشینی ایستهگنلر.
بیزلرنینگ فیسبوک صحیفهمیزگه باش اورینگ!
بولرگه علاوه، چوکی تومنی ولسوالی محمدابراهیم ثاقبگه کوره، مذکور تومننینگ زلزلهدن جبرلنگن بولیملریگه ایچیملیک سوو کیلتیریلیشی اوچون سعیوحرکتنینگ دوامی بار. «بو توغریده بیر موسسه بیلن گپلشگنمیز و بو موسسه کانال قوریلیشی اوچون سوزگن بیرگن، اونینگ یانیده حاضر باشقه بیر قطار موسسه هم سوو منبعلری قوریلیشی توغریسیده ایش بیلن شغللنگن. قیغو بیلن بیللی بیر بودجهمیز یوق که نیچه محلده ایشنی باشله آلسک.»
کنر ده ۹-سنبلهده یوز بیرگن زلزله، مذکور ولایت یشاوچیلریگه تلفات ییتیشتیرگنی یانیده، سوو منبعلری اورتهدن کیتیشیگه هم سبب بولگن.
