میدان‌وردک ولایتی نینگ طبیعی آفت‌لر گه قرشی کوره‌ش ریاستی مسئوللری نینگ ایتیشلریچه، شنبه کیچه یوز بیرگن سوو تاشقینی عاقبتیده، باله‌لر و عیال‌لر شامل ۳۰ کیشی هلاک بولگن.
شونده‌ی بیرحالده، میدان‌وردک ولایتی جلریز تومنی نینگ «تکانه» منطقه یشاوچیسی بولمیش ۶۰ یاشر عتیق‌الله نینگ ایتیشیچه، شنبه کیچه سوو تاشقینی نتیجه‌سیده، باله‌لر و عیال‌لر شامل ۱۶ عایله اعضاسی هلاک بولگن.
عتیق‌الله نینگ کوپه‌یتیریشیچه، شنبه کیچه قیچ قورون اونینگ عایله‌سی و مذکور تومن اهالی‌سی نینگ اویقوده بولگنی پیتده، یوز بیرگن سوو تاشقینی سبب، کوپینچه کیشی لای و دیوارلر آستیده قالگن.
بیزلرنینگ فیسبوک صحیفه‌میزگه باش اورینگ!
اونگه کوره، مذکور الم‌لی حادثه نتیجه‌سیده، ۱۶ عایله عضوی هلاک بولگن که انه شوو سبب، حیات توغریسیده‌گی برچه امید‌لری اورته‌دن کیتیب، روحی قیین‌چیلیک‌لر گه چلینگن. «ایکی قیزیم، بیر اوغلیم، ایناغم نینگ بیر قیزی و بیر اوغلی، ایناغم نینگ تورموش اورتاغی بیلن ایکی باله‌سی، آته‌م، ایکی ابه‌م، بیر ابه‌م نینگ نینگ تورموش اورتاغی بیلن قیزی، بیر ابه‌م نینگ اوغلی بیلن قیزی شامل ۱۶ میشی عایله‌م‌دن هلاک بولدی.»
عین حالده، سوو تاشقینی‌ده ایکی عایله عضوی نی قولدن بیرگن عتیق‌الله نینگ قوشنی‌لریدن بیری نینگ سلام‌وطندار گه ایتیشیچه، سوو تاشقین‌لر یشاوچیلردن کوپینچه‌سی نی اویقوده اوزی بیلن آلیب کیتگن.
میدان‌وردک ولایتی جلریز تومنی نینگ «تکانه» منطقه یشاوچیلریدن قطاری حکومت و خلق‌ارا نهاد‌لردن عاجل یاردم ایسته‌ب ایتیشلریچه، سوو تاشقین‌لر جلریز تومنی‌ده، یوزلرچه یشش اوی، دکان، قتناو یوللر، ایکینچی‌لیک ییرلری و باغ‌لر نی مکمل شکلده ویران قیلگن دیر.
میدان‌وردک یشاوچیلریدن بیری سردار محمد سلام‌وطندار گه ایتیشیچه، کیچه یامغیر نینگ یاغیشی نی کوردیم و کیین اوی‌دن چیقیب قره‌دیم که، جدی بیر شکلده سوو تاشقین برچه ییر نی آلگن دیر. «کیچه یامغیز یاغیشی پیتده، تشقری گه چیقیب قره‌دیم که، برچه اوی‌لر و دکان‌لر ویران بولیب‌تی و اهالی‌دن کوپینچه‌سی اولیب و ایکینچی‌لیک ییرلر و باغ‌لر ویران بولگن. دربه در بولدیک.»
شونینگدیک میدان‌وردک یشاوچیلریدن باشقه بیری عبیدالله نینگ ایتیشیچه: «جلریز تومنیده‌گی برچه نرسه‌سی نینگ اولی‌دن آخریگچه، سوو تاشقینی آلیب کیتگن. منطقه‌میز‌ده ۲۲ جسد سوو تاشقین‌دن چیقریلدی.»
شونده‌ی بیرحالده، میدان‌وردک طبیعی حادثه‌لر گه قرشی کوره‌ش رئیسی فیض‌الله جلالی نینگ سلام‌وطندار گه ایتیشیچه، شنبه کیچه یوز بیرگن سوو تاشقینی نتیجه‌سیده، ۳۰ کیشی اولگن، ۱۵ کیشی یره‌لنگن و بیر قطار کیشی ایسه یوقالگن دیر که، یوقالگن کیشی‌‌لر نینگ تاپیش اوچون سعی و حرکت نینگ دوام بار.
بیزلرنینگ توییترده هم تعقیب قیلینگ!
جناب جلالی نینگ ایتیشیچه: «حاضرگچه ۳۰ کیشی نینگ جسدی سوو تاشقین‌دن چیقریلگن. ۱۵ یره‌دار درمان اوچون کسل‌خانه گه انتقال بیریلگن. یوزلرچه یشش اوی، سرک و مینگ‌لرچه جریب ایکینچی‌لیک ییر ایسه ویران بولگن.»
باشقه بیر تامان‌دن، میدان‌وردک حاکمی بختیار معاذ نینگ ایتیشیچه، یاردم‌لر ترقه‌تیلیشی و سوو تاشقین نتیجه‌سیده اوی‌لری ویران بولگن عیاله‌لر گه باش پناه ایجاد قیلیش اوچون سعی و حرکت نینگ دوامی بار. «سوو تاشقینی نتیجه‌سیده، اهالی گه کوپ زیان ییتیشگن. ۳۰کیشی اولگن دیر. حاضرگچه ولایتی مسئوللردن برچه‌سی زیان کورگن منطقه گه بارگن دیر. بیر قطار جسد نی سوو تاشقینی‌دن چیقرگن‌میز و آزیق-آوقات ترقه‌تیش جریانی نینگ دوامی بار.»
شونده‌ی بیرحالده، محلی رسمی‌لر نینگ ایتیشلریچه، جلریز تومنی‌ده سوو تاشقینی‌دن زیان کورگن عایله‌لر اوچون بیر کمپ ایجاد بولگن که، اوی‌لری ویران بولگن یوزلرچه عایله مذکور کمپ‌ده ییرلشتیریلگن.
