میدان‌وردک ولایتی تورلی تومن‌لریده باغدارلر نینگ ایتیشلریچه، هر ییل آلمه باغلری گه قورت تاپیلیشی سبب، باغلری نینگ حاصلاتی زیان کوره‌دی.
اونینگ کوپه‌یتیریشیچه، ایکینچیلیک محصولات نینگ اوشبو آفت‌دن آمان قالیش اوچون باغدارلر گه آگاهی‌لیک بیریلیب و دارو تیارلش خصوصیده امکانیتی بولمه‌گن باغدارلر گه دارو ترقه‌تیلیشی کیره‌ک.
بیزلرنینگ فیسبوک صحیفه‌میزگه باش اورینگ!
محمد‌الله گه کوره: «نرخ تومنی‌ده‌گی باغدارلردن بیری‌مین. هر ییلی آلمه باغلریمیز نی قورت اوره‌دی. کوپینچه پیت بو کسل‌لیک درختلر نینگ گل قیلگنی‌دن کیین تاپیله‌دی. اونینگ دوالش اونچه‌لیک قیین ایمس، ایکینچیلیک ریاستی بو توغریده باغدارلر بیلن همکارلیک قیلیشی کیره‌ک.»
اوشبو ولایت میدان‌شهر تومنی‌ده‌گی باغدارلردن باشقه بیری و ایکی جریب ییری نی آلمه باغی گه اختصاص بیرگن محمدنسیم نینگ ایتیشیچه، ییل‌لردن بیری میدان‌وردک تومنیده آلمه مغزی نی ییه‌دیگن قورتلر، آلمه باغلری گه زیان ییتیشتیریب و حاصللری نینگ کمه‌یشی گه سبب بولگن.
اونینگ کوپه‌یتیریشیچه، حاضر ایسه باغدارلر آلمه مغزینی ییه‌دیگن آفت بیلن قرشی کوره‌ش اوچون درخت تنه‌سی گه کارتن یاپیشتیریش بیلن باشقه بیر قطار محلی دوالش طریقه‌لریدن قوللنه‌دیلر. «ایکی جریب آلمه باغیم بار. مذکور ولایت مرکزی‌ده هم آلمه باغلری بو کسل‌لیککه چلینگن. خانگی شکلده دواله‌یمیز. مذکور کسل‌لیک بیلن قرشی کوره‌ش اوچون کارتن نی یاپیشتیره‌میز و بعضا ایسه باشقه روشلردن قوللنه‌میز.»
شونده‌ی بیرحالده، باغدارلیک ایشلری بوییچه ایش بیلرمانلر نینگ ایشانچلری گه کوره، میوه باغلری کوپه‌یشی، آفت و کسل‌لیککه قرشی کوره‌ش و باغدارلر گه زمانه‌وی باغدارلیک خصوصیده آگاهی‌لیکلر کوپه‌یتیریلیشی بولیم‌لریده مسئول اداره‌لر نینگ همکارلیک قیلگنی صورت‌ده، عایله‌لردن کوپ قطاری نینگ اقتصادی قیین‌چیلیگی حل بولیشی ممکن.
باغدارلیک ایشلری بوییچه ایش بیلرمانلریدن محمدهارون نینگ سلام‌وطندار گه ایتیشیچه، آلمه مغزینی ییه‌دیگن قورت کسللیگی نینگ دوالنیشی ممکن. اونگه کوره، قورت آفتی خصوصیده باغدارلر نینگ معلوماتی اوتگن ییللر گه قره‌گنده کوپه‌یگن؛ بیراق بو توغریده ایکینچیلیک، چاروه‌چیلیک و سووغاریش وزیرلیگی نینگ باغدارلر گه کوپراق معلومات بیریشی کیره‌ک.
هارون نینگ ایتیشیچه: «آلمه قورتی کسللیگی نینگ تورلی شکلده دوالنیشی ممکن. میخانیکی کنترول، برقی تله‌لر نینگ باغ گه قوریلیشی و درخت تنه‌سی گه کارتن یاپیشتیریلیشی دیر، لیکن اینگ اونملی نرسه باغدارلر نینگ آگاهی‌لیگی کوپه‌یشی و کیمیاوی دارو‌لر نینگ اولر اختیاری گه قرار بیریلشی کیره‌ک.»
بیزلرنینگ «ایکس» ترماغی ده هم تعقیب قیلینگ!
میدان‌وردک ایکینچیلیک، سووغاریش و چاروه‌چیلیک ریاستی نینگ مسلکی ایشلاوچیسی محمدگل نینگ سلام‌وطندار گه ایتیشیچه، آلمه قورتی میدان‌شهر تومنی شامل اوشبو ولایت نینگ بیر قطار تومن‌لریده‌گی آلمه باغلریده بولگن آفتلردن دیر.
محمدگل اوشبو ولایت‌ده اوتگن ییللر گه قره‌گنده اوسیم‌لیک آفتلری و کسل‌لیکلری کمه‌یگنی نی بیان قیلیب و کوپه‌یتیریشیچه، مذکور ریاست هر ییلی بو کسل‌لیککه تیگیشلی باغدارلر گه مشوره بیریب و اولر گه دارو ترقه‌ته‌دی. «بو کسل‌لیک بار، لیکن دوالنیشی ممکن. میدان‌وردک ایکینچیلیک، سووغاریش و چاروه‌چیلیک ریاستی هر ییلی مناسب بیر وقت‌ده آلمه باغلری بولگن و درختلری اوشبو کسل‌لیککه چلینگن برچه تومنلرده‌گی باغدارلرگه معلومات بیره‌دی و شو رقم اولر نینگ دارو قولگه کیلتیریشلری ممکن.»
میدان‌وردک، یشاوچیلریدن کوپ قطاری نینگ آلمه باغلریده ایش بیلن شغللنگن ولایت‌لریدن بیری بولیب و شو یول آرقه‌لی ییل‌ده میلیون‌لب افغانی درآمد قولگه کیلتیره‌دیلر.
