میدانوردک ده دهقانلردن قطارینینگ ایتیشلریچه، بوغدای ایکیلیشینینگ ستندرد اصوللرینی اورگهنیش و اونی عملگه آشیریش، حاصللرینی کوپهیتیرگن.
میدانوردک دهگی دهقانلردن شاهمحمدنینگ ایتیشیچه، سونگی ییللرده ایکینزارلریدن کوپینچه بوغدای قولگه کیلتیرگن. اونینگ کوپهیتیریشیچه: «حاضر ایسه ییرلردن کوپینچه بوغدای قولگه کیلتیرهمن؛ حاصلاتنی کوپینچه آسایشتهلیک بیلن آلهمن؛ ستندرد شکلده ایکیش، محصولنی ییغیش و بوغداینی ذخیره قیلیش توغریسیده آگاهیلیک قولگه کیلتیرگنمین.»
بیزلرنینگ «ایکس» ترماغی ده هم تعقیب قیلینگ!
میدانوردک دهگی دهقانلردن باشقه بیری محمدنبینینگ ایتیشیچه: «بهار و کوزده بوغدای ایکهمیز؛ قوشنیلریمیز حتا تورت جریبگه قدر ییرگه بوغدای ایککنلر و بیزلر هم بوغدای ایکیش اوچون سعیوحرکت قیلهمیز؛ اوتگن گه قرهگنده، حاضر بوغدای ایکیلیشی کوپ یخشی بولگن.»
مذکور دهقانلر میدانوردک ایکینچیلیک، چاروهچیلیک و سووغاریش ریاستیدن، اولرگه بوغدای اروروغی ترقهتیلیب و ایکینچیلیک بولیمیده کوپراق تعلیمی برنامهلر اوتکزیلیشینی ایستهگنلر.
باشقه بیر تاماندن، میدانوردک ایکینچیلیک، چاروهچیلیک و سووغاریش ریاستینینگ ایکینچیلیک ایشلری بوییچه آمری قندآغا گه کوره، اوتگن بیر ییلده بوغداینینگ ستندرد شکلده ایکیلیشی توغریسیده ۱۰ مینگدن آرتیق دهقان گه تعلیمی برنامهلر اوتکزیلگن. «۱۰ مینگدن آرتیق دهقان گه تعلیم برنامهلرنی اوتکزگنیمیز یانیده، ۲۲ دهقان گه اصلاح بولگن بوغدای اوروغینی ترقهتیب و قریب ۸ مینگ دهقان گه اوروغلر سقلنیشی و محصوللرنی ییغیلیشی حقیده تعلیم بیرگنمیز و شونینگدیک اولرگه باشقه امکانیتلرنی هم تامین قیلگنمیز.»
بیزلرنینگ فیسبوک صحیفهمیزگه باش اورینگ!
ایکینچیلیک ایشلری بوییچه ایش بیلرمان محمدالدین مومندنینگ ایتیشیچه، حکومت آرقهلی دهقانلرنینگ قوللب-قوتلنیشی، ایکینچیلیک سکتوری رواجلنیشیگه سبب بولهدی. اونینگ کوپهیتیریشیچه: «زمانهوی ایکیش ماشینلری بار و دهقانلردن کوپ قطاری بو ماشینلردن ایکیش وقتیدن، محصوللرنی قولگه آلیش و سقلش وقتیگچه فایدهلنهدی که بو بوغدای ضایع بولیشینینگ آلدینی آلهدی؛ حاضر دهقانلردن کوپ قطاری بیلهدی که قندهی بوغدای ایکسه.»
بوغدای، افغانستاننینگ اینگ اونملی ایکینچیلیک محصوللریدن بولیب، ملی احصائیه و معلومات ادارهسی تامانیدن تقدیم ایتیلگن معلومات اساسیده، اوتگن قویاش ییل ۴.۸۳ میلیون متریک تُن بوغدای قولگه کیلگن که اوندن آلدینگی ییلگه قرهگنده، ۱۰ فایز آشگنینی کورستهدی.
