بیر قطار کیشی دردگه یرهمهگن پلاستیکی و تکهای چیقیندیلرنی یوویش و بیر قطار کیشی هم ماشینلر یانیده توریب توختهگن و اولردن هر بیری ییغیلگن مذکور نرسهلرنینگ پخته گه اوزگرتیریش مقصد، اوزلریگه بولگن حصهلرینی عملگه آشیرماقدهلر.
پروان ده چیقیندیلرنی قیته ایشلب چیقریش کارخانه اساسچیسی عبدالجلیل جوشننینگ ایتیشیچه، چین دن سکیز مینگ دالر عوضیگه چیقیندیلرنی قیته ایشلب چیقریش ماشینینی وارد قیلیب و باشقهلرگه ایش زمینهسی یرهتیلیشی یانیده، چیقیندیلردن فایدهلنیشینینگ رواجلنیشی مقصد سعیوحرکت قیلگن. «بو، افغانستان گه کیلگن بیرینچی ماشین دیر. بیر مینگدن آرتیق کیلو تکهنی پخته گه اوزگرتیرهدی. هر ساعتده نیچه ایشنی قیلهدی. حقیقتا بونی ساتیب آلیشده کوپ ریسکنی قبول قیلدیم. عایلهمده کوپ کیشی آلمه دیگن ایدی. افغانستان گه کیلیشیگه قدر قریب ۸ مینگ دالر مصرف بولدی.»
بیزلرنینگ فیسبوک صحیفهمیزگه باش اورینگ!
چیقیندیلرنی قیته ایشلب چیقریش ماشینی کیلتیریلگنیده، جناب جوشن اوچون اونینگ یاقیلیشی هم قیین ایکن؛ بیراق حاضر ایسه اوشبو کارخانهده ییغیلگن چیقیندیلرنی پخته گه اَیلنتیریش توغریسیده قریب ۳۰ کیشی ایش بیلن شغللنگن. پلاستیک توتهلری و تشلنگن تکهلر، یوویلیش و منظملنیشدن کیین، دستگاهدن اوتیب و پخته گه اوزگرهدی. «یالغیز تورموش اورتاغیمده بیر ۹۰ گرام آلتین بار ایدی. کوپ بویوک بیر ریسک ایدی و هیچ کیمده هم بو ماشیندن یوق ایدی. هیچ کیم اونینگ یاقیلیشینی بیلمس ایدی. ایشانینگ که حتا ییغلهگن ایدیم.»
مذکور کونلر اوشبو کارخانهده ایش بیلن شغللنگن یاشلر، هر کونی چاریکار شهری سرکلریده پلاستیکی سطللر و چیقیندی توپلنهدیگن خلتهلر بیلن بیر لقمه ناننی ایزلشهردی؛ حاضر ایسه اولر بیلن بیرگه بیر قنچه عیال گه هم ایش فرصتی یرهتیلگن.
جناب جوشننینگ ایتیشیچه، چیقیندیلرنی قیته ایشلب چیقریش کارخانهسینینگ فعال قیلیش بیلن، کیرهکسیز بولیب تشلنهدیگن نرسهلرنینگ قیته ارزشلی بولیشینی کورستماقچین بولگن. او، ایشینینگ رواجلنیشی اوچون حکومت و نهادلردن همکارلیک ایستهگن. «بیزلرگه کیچیک قرضهلر بیریلیشی نیاز دیر. بیزلر بیلن سرپرستسیز و نیازمند عیاللر و بالهلر ایشلهیدی. کورپه ایشلب چیقرهمیز. دولت بیزلر بیلن همکارلیک قیلسه، کورپه ساتیب آلسه، ایشیمیز رواجلنهدی و بو ایش نتیجهسیده ایشلاوچیلریمیزنی کوپهیتیره آلهمیز.»
چیقیندیلرنی قیته ایشلب چیقریش و اولرنینگ ارزشلی نرسهلرگه اوزگرتیریش، هم اقتصادی نقطهی نظریدن و همده یشش-محیط ارزشی نقطهی نظریدن، حاضرگی شرایطده دنیا ده رواجلنیب و بو توغریده کوپینچه سرمایه یاتقیزیلگن.
بیزلرنینگ «ایکس» ترماغی ده هم تعقیب قیلینگ!
جناب جوشن، اوز تجربهسی و اقتصاد توغریسیده یاشرلر فکرلرینینگ عملگه آشیریشدن قورمسلیکلری گه اشاره قیلیب و ایتیشیچه: «امیدسیز بولمسلیگیمیز کیرهک. قولیمیزده بار نرسهدن فایدهلنیشیمیز کیرهک. یاشلردن هر بیری مخصوص فکرلرگه ایگه دیر و اولر فکرلرینینگ جمعیتده عملگه آشیریشلری کیرهک که انشاءالله موفق بولهدیلر.»
جناب جوشننینگ چیقیندیلرنی قیته ایشلب چیقریش صناعتیده سرمایه یاتقیزگنی گرچند آز دیر؛ بیراق او فعالیتی قوللب-قوتلنگنی و زمان اوتیشی بیلن کوچهیگنی صورتده، هم اقتصادی و همده یشش-محیط نقطهی نظریدن کوپینچه فایدهلی بولیشی توغریسیده امیدوار دیر.
