اوزبیکستان جمهور باشلیغی شوکت میرضیایف، ۱۵-عقرب، پنجشنبه کونی، امریکا و مرکزی آسیا مملکتلر رهبرلری بیلن واشنگتن ده اوتکزیلگن «C5+1» ییغیلیشیگه شرکت قیلگن.
میرضیایف، اوشبو ییغلیشده امریکا جمهور باشلیغی دونالد ترامپنی «دنیا جمهور باشلیغی» دیب اتهگن.
اوزبیکستان جمهور باشلیغی، اوروشلر یکونلنیشیده امریکا جمهور باشلیغی اورنیگه تاکیدلب و کوپهیتیریشچه، ترامپ یالغیز سکیز آیده «سکیز اوروش»نینگ توختهتیشگه موفق بولگن.
شونینگدیک اوزبیکستان جمهورلیک ریاستی سرایی، شوکت میرضیایف بیلن امریکا جمهور باشلیغینینگ آقسرایده اوچرهشگنینی معلوم قیلگن.
مذکور اوچرهشووده، میرضیایف ترامپ بیلن مناسبتلر مستحکملنیشی، سیاسی مذاکرهلر کوچهیشی همده تجاری و اقتصادی همکالیکلر رواجلنیشی توغریسیده صحبت قیلگن.
شوندهی بیرحالده، شوکت میرضیایف، آق سرایگه بارگنی جریانیده، «فخرلی مهمانلر دفتریگه» بیر یازوو هم یازگن.
ایتیش کیرهک که، پنجشنبه کونی دونالد ترامپ آقسرایده قزاقستان، قرغیزستان، تاجیکستان و تورکمنستان رهبرلری بیلن هم اوچرهشگن.
