اۉزبېکستان ملی احصائیه ادارهسی ینگی ترقهتگن گزارشیده، میلادی ۲۰۲۵-ییلده اوشبو مملکتنینگ افغانستان گه صادرات رقمی بیر میلیارد ۳۰۰ میلیون دالر گه یېتگنینی بیلدیرگن؛ عینحالده بو رقم میلادی ۲۰۲۴-ییلده، ۹۲۱ میلیون دالردن آرتیقراق بولگن.
معلوماتلر گه کوره، اوشبو میلادی ییلده اۉزبېکستاننینگ افغانستان گه صادرات رقمی اوتگن ییلگه نسبتن، ۴۱ فایزدن آرتیق آشگن و بو مملکت اۉزبېکستاننینگ بیشینچی بویوک صادر قیلوچیسیدن اوچینچی صادر قیلوچی مملکت گه ایلنگن.
برق، آزیق-آوقت مادهلری، قوریلیش موادی و صناعت اوسکونهلری، میلادی ۲۰۲۵-ییلده اۉزبېکستاننینگ افغانستان گه صادر قیلگن توارلریدن عبارت. «اۉزبېکستاننینگ میلادی ۲۰۲۵-ییل جنوریدن نومبر آیی گه قدر صادرات رقمی ۳۰.۹ میلیارد دالر بولگن، مملکت تجارتی یوکسهلیشینی تشکیل بیرهدی؛ اۉزبېکستان اوشبو ییلده اېنگ کوپ روسیه گه ۴ میلیارد دالر؛ چین گه ۱.۹ میلیارد دالر و افغانستان گه ۱.۳ میلیارد دالرلیک توار صادر قیلگن.»
اۉزبېکستاننینگ افغانستان گه صادرات رقمی حاضر ۴.۱ فایز بولگنی قوشیمچه قیلینگن.
اسلام امیرلیگی صناعت و سودا وزیرلیگی، افغانستاننینگ منطقه اینیقسه سۉنگی ییللرده سودا یونهلیشلری اۉزگریشی، افغانستاننینگ مرکزی آسیا مملکتلری بیلن آلیش-بیریش حجمی کوپهیش دلیلی عنوان قیلگن.
او شوندهی دیگن: «افغانستان اۉزینینگ استراتیژیک اورنی سببلی روسیه و مرکزی آسیا مملکتلری بیلن سودانی کېنگهیتیریش اوچون یوقاری صلاحیت ایگه. سۉنگی ییللرده اینیقسه منطقهدهگی سودا یونهلیشلری اۉزگرگنی بیلن، اوشبو سودا علاقهلری اوسیش جریانینی باشدن کیچیرماقده.»
صناعت و سودا وزیرلیگی گه کوره، اوشبو میلادی ییلده نفت، گاز، بوغدای، اون، قوریلمه و برق موادی، افغانستاننینگ مرکزی آسیا و روسیهدن وارد قیلگن اېنگ مهم توارلری بولگن و عکسینچه، قالین، قیمتبها و یریم قیمتبها تاشلر، تازه و قوروق میوهلر، افغانستاننینگ اوشبو مملکتلر گه صادر قیلگن توارلریدن عبارت.
اقتصاد شناس شاکر یعقوبی گه کوره، اقتصاد رواجلنیشی اوچون صادراتنی آشیریش و افغانستان مصرف قیلوچی بیر مملکتدن قوتیلیش اوچون ایریم ریجهلر نظرگه آلینیشی لازم.
اونینگ ایتیشیچه: «اۉزبېکلر تجارت ایشلرینی تجارلری اوچون آسان قیلگن و افغانستان بازارینی جدی آلگنلر، اۉزبېکستان سوداگرلری بیلهدیلر توار صادر قیلسهلر یوللری معلوم و قانون معلوم، خرهجتلری اولدن انیق؛ افغانستان بازاری مصرفی دیر و یقین دیر اۉزبېکستان هم شو احتیاجلرنی نظرگه آلیب و ریجهسی اساسیده آلغه بارماقده؛ افغانستان فقط وارد قیلوچی بولسه بو افغانستان اونیمگه اېمس بو مملکت گه صادرات رقمینی آشیریش درکار.»
یقینده اۉزبېکستان ملی احصائیه ادارهسی اعلان قیلگنیدیک، میلادی ۲۰۲۵-ییل جنوری آییدن اکتوبر گه قدر افغانستان اهالیسی اوشبو مملکت گه کیرهیاتگن خارجی تدبیرکارلرنینگ اېنگ کتته اولوشینی تشکیل قیلگن.
مذکور اداره گه کوره، اوشبو ییلده ۳۳۹ مینگ ۵۰۰ افغانستانلیک، تجارت و اقتصادی فعالیتلر اوچون اۉزبېکستان گه بارگن.
اسلام امیرلیگی اوتگن تورت ییل دوامیده، هردایم مرکزی آسیا اینیقسه اۉزبېکستان بیلن سودا مناسبتینی مستحکملش و کېنگهیتیریش گه سعی-حرکت قیلیب کیلگن.
