افغانستان برق ییتکزیش یا-ده برشنا شرکتی نینگ اعلام قیلیشیچه، اوزبیکستان افغانستانگه برق صادراتی نی ۶۰ فایز کمهیتیرگن. برشنا شرکتی بوگون بیر اعلامیه ترقهتیب ایتیشیچه، اوزبیکستان مملکتی بو شرکت بیلن اویغونلیک قیلمسدن برق صادراتی نی ۶۰ فایز کمهیتیرگن.
مذکور شرکت اوزبیکستان رسمیلریدن نقل قیلیب، اوشبو مملکت نینگ «تیلیمرجان» سباستیشنیده فنی قیینچیلیک چیققنی برق کمهیشی گه سبب بولگنی نی بیلدیرگن. اعلامیهده یازیلیشیچه، اوشبو قیینچیلیک کیلهجک ایکی و اوچ کون گچه حل بولیشی ممکن.
ایتیش کیرهک که اوزبیکستان تامانیدن برق کمهیگنی، ۱۶ ولایت نی برقی قیینچیلیکلر بیلن روپهرو قیلگن. گرچند اوزبیکستان برقی کمهیگنی نینگ اصلی دلیلی حاضرگچه بیللی بولمهگن. بیراق اسلامی امارت مدافعه وزیری محمدیعقوب مجاهد اوتگن کون افغانستان تیک اوچرلری نی قیته یوباریشی اوچون او مملکت نی آگاهلنتیرگن ایدی.
