اسلام امیرلیگی عالی اوقوو وزیرلیگی، جوزجان بیلیم یورتی ایشیگی لوحهسیده، باشقه تیللر یانیده اۉزبېک تیلی قیته یازیلیشیگه قرار قبول قیلگن.
اۉزبېک تیوی، ۲۷-عقرب/۱۸-نومبر، سهشنبه کونی، اۉزمنبعلریگه اساسلنیب بو حقده خبر بیردی.
اۉزبېک تیوی معلوماتیگه کوره، مملکت عالی اوقوو وزیری ندامحمد ندیم جوزجان بیلیم یورتی لوحهسیدن اۉزبېک تیلی یازووی توشینماوچیلیک سبب آلیب تشلنگن و بو لوحه قیته اصلاح قیلینیش بویروغینی بیرگن.
معلوماتلر اساسیده، اسلام امیرلیگی باش وزیرینینگ اداری اورین باسری عبدالسلام حنفی، جوزجان بیلیم یورتی لوحهسیدن بیلیم یورتی سۉزی آلیب تشلنیش مسئلهسینی وزیرلر کینگشیده شریک قیلگنیدن سۉنگ بو قرار قبول قیلینگن.
نیچه کون آلدین نامعلوم دلیللر سبب، جوزجان بیلیم یورتی لوحهسیدن اۉزبېک تیلیده یازیلگن بیلیم یورتی سۉزی آلیب تشلنیشی افغانستان تورلی قوملرینینگ کېنگ مقیاسلی مناسبتی بیلن یوزمه-یوز بولدی.
