اۉزبېکستان تجارلری، افغانستان اسلام امیرلیگی صناعت و سودا وزیرلیگی‌نینگ معینی بیلن اوچره‌شووده، افغانستان کانلری اوستیگه سرمایه یاتقیزیش گه قیزیقماقده‌لیک‌لرینی معلوم قیلگنلر.
صناعت و سودا وزیرلیگی، ۲۶-حوت، یک‌شنبه کونی ایکس صحیفه‌سیده بیر بیانیه ترقه‌تیب، اوشبو وزیرلیک اورین باسری احمدالله زاهد، کابل‌ده اۉزبېکستان سرمایه یاتقیزووچیلری بیلن اوچره‌شگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
مذکور وزیرلیک اۉزبېکستان سرمایه یاتقیزووچیلریدن نقل قیلیب، اولر افغانستان کانلرینی قازیب چیقریش و انشاآت بولیم‌لری‌ده سرمایه یاتقیزیش گه قیزیقیش‌لرینی معلوم قیلگن.
بو اوچره‌شووده زاهد جنابلری، حاضرگی کونده افغانستان‌ده امنیت تأمین اېتیلیب و باشقه وقت‌لر گه قره‌گنده سرمایه یاتقیزیش امکانیتی یره‌تیلگنینی بیلدیرگن.
صناعت و سودا وزیرلیگی‌نینگ معینی، اسلام امیرلیگی ایچکی و تشقی سرمایه یاتقیزووچیلرنی قۉللب-قوتلب و اولر گه امکانی باریچه قولی‌لیک یره‌تیش گه تیار اېکنلیگینی اېتگن.
بیزلرنینگ «ایکس» ترماغی ده هم تعقیب قیلینگ!
احمدالله زاهد، بو کبی سرمایه یاتقیزیش‌لر افغانستان اقتصادی ترقیاتی و ایکّی مملکت اقتصادی مناسبتی مستحکم‌لنیشی گه سبب بوله‌دی دیب امید بیلدیرگن.
اۉزبېکستان، دنیا، منطقه و قۉشنی مملکتلر کبی اسلام امیرلیگینی حاضرگه قدر تن آلگن بولمسه‌ده، بیراق تورلی ساحه اینیقسه سودا آلیش-بیریش بولیمیده افغانستان بیلن همکارلیک قیلیب کېله‌یاتگن مملکتلردن سنله‌دی.
