امریکا تشقی ایشلر وزیرلیگی اوشبو مملکت جمهور باشلیغی دونالد ترامپنینگ بویروغی بیلن، بیر مینگ ۳۰۰ ایشلاوچیسینینگ ایشدن بوشهتیش جریانینی باشلهگن.
خلقارا ییتکرمهلرنینگ بوگون (۲۱-سرطان، شنبه)، گزارش بیریشیچه، بو اقدام ترامپ دولتینینگ تشقی ایشلر وزیرلیگی توزیلمهسینی قیته تشکیل ایتیش بوییچه کینگ قمراولی دستورینینگ بیر قسمی دیر که اوشبو دستوردن مقصد، مذکور وزیرلیکنینگ ایچکی ایش کوچینی ۱۵ فایز کمهیتیریش دییلگن.
بیزلرنینگ فیسبوک صحیفهمیزگه باش اورینگ!
جمعه کونی ایرتهلب اوشبو وزیرلیک ایشلاوچیلری قولیگه ییتیشگن معلومات اساسیده، مذکور جبری اوزگرتیریشلر بیر مینگ ۱۰۷ ملکی خذمتدهگی ایشلاوچیلر و ۲۴۶ تشقی خذمت ایشلاوچیلریدن عبارت دیر. اوشبو قیته تشکیل ایتیش بوییچه دستور دایرهسیده ایشدن بوشهتیلهدیگن ایشلاوچیلر سانی، قریب اوچ مینگ کیشی دییلگن.
اعلام قیلینگن وقت جدولیگه کوره، تشقی خذمت ایشلاوچیلری ۱۲۰ کونگچه و ملکی خذمتلردهگی ایشلاوچیلر ایسه ۶۰ کونگچه ایشلریدن بوشهتیلیشلری ممکن.
بیزلرنینگ «ایکس» ترماغی ده هم تعقیب قیلینگ!
اوشبو ایشدن بوشهتیلیشلر یانیده، امریکا تشقی ایشلر وزیرلیگینینگ اونلب ایچکی ادارهسی یا بیرلشتیریلهدی یا-ده یاپیلهدی و مذکور وزیرلیکنینگ سازمانی توزیلمهسی تیزلیککه اوزگرهدی.
