بیرلشگن ملتلر تشکیلاتی نینگ مخدره ماده گه قرشی کوره‌ش دفتری، بوگون (سه‌شنبه، ۱۰-عقرب) افغانستان ده مخدره ماده قاچاقی و ایکیلیشی خصوصیده ینگی گزارشی نی ترقه‌تگن.
مذکور گزارش‌ده کیلگن که، ۲۰۲۱-ییل ده ۱۷۷ مینگ هکتار ییر گه خشخاش ایکیلگن ایدی و ۲۰۲۲-ییل ده بو رقم ۲۳۳ مینگ هکتار ییر گه ییتیشگن که بو ۳۲ فایزی کوپه‌یگنی نی کورسته‌دی.
مذکور گزارش اساسیده، ۲۰۲۲-ییل‌ده مملکت پایتختی کابل ده ایکینچی‌لر خشخاش ایککن‌لر؛ بیراق جنوبی ولایت‌لر آره‌سیده هلمند خشخاش کوپ ایکیله‌دیگن ولایت‌لردن دیر و باشقه ۱۱ ولایت‌ده ایسه اوشبو محصول نینگ ایکیلیشی صفر گه ییتیشگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، ارزگان ده ایکینچی‌لردن قطاری نینگ ایتیش‌لریچه، اسلامی امارت اهالی گه مخدره ماده ایکیلیشی نی منع قیلیب و اصلاح بولگن تخم‌لر ترقه‌تیلیشی خصوصیده سوز بیرگن؛ بیراق حاضرگچه اصلاح بولگن تخم قولگه کیلتیرمه‌گنلر.
ارزگان ده ایکینچی‌لردن سیف‌الدین نینگ ایتیشیچه، اسلامی امارت خشخاش ایکیلمه‌یشی اوچون اونینگ ییری گه اصلاح بولگن تخم ترقه‌تیشلری کیره‌ک.
اولر گه کوره، اهالی قشاقلیک سبب ییرلری گه خشخاش ایکیش گه مجبورلر.
بیرلشگن ملتلر تشکیلاتی نینگ مخدره ماده گه قرشی کوره‌ش دفتری نینگ ینگی گزارشی اساسیده، ۲۰۲۱-ییل‌ده افغانستان ده مخدره ماده نینگ ایکلیشی و قاچاقی‌دن قولگه کیلگن درآمد ۴۲۵ میلیون دالر گه ییتیشیدی که بو رقم ۲۰۲۲-ییل‌ده ۴۰۰ میلیارد دالر گه کوپه‌یگن.
شونینگدیک قندهار ده مخدره ماده ساته‌دیگنلردن نثاراحمد نینگ ایتیشیچه، اوشبو ولایت‌ده مخدره ماده نینگ نرخی کوپه‌یگن و شونینگدیک اهالی قشاقلیک سبب، مخدره ماده ایکیش گه مشغول‌لر.
بیزلرنینگ توییترده هم تعقیب قیلینگ!
باشقه بیر تامان‌دن، ایچکی ایشلر وزیرلیگی مسئوللری نینگ ایتیش‌لریچه، مذکور وزیرلیک مخدره ماده گه قرشی کوره‌ش اوچون جدی شکلده سعی و حرکت قیله‌دی.
ایچکی ایشلر وزیرلیگی سوزلاوچی اورین‌باسری بسم‌الله حبیب نینگ ایتیشیچه، جاری ییل‌ده مملکت مخدره ماده ایشلب چیقاریشی و ایکیلیشی نابود بولیشی خصوصیده بیر مینگ و ۹۹۳ عملیات نی یولگه قویگنلر که نتیجه‌ده، ۱۶۳ تُن مخدره ماده نی ضبط و پروسس و تولید قیله‌دیگن ۵۴ ایشخانه نی تخریب و ایکی مینگ و ۴۴۴ کیشی مخدره ماده نینگ قاچاقی گه عیب‌لنیب قولگه آلینگن.
اسلامی امارت رهبری بیر فرمان صادر قیلیش بیلن مملکت‌ده مخدره ماده نینگ ایکیلیشی نی منع قیلگنی بیرحالده، بیراق بیرلشگن ملتلر تشکیلاتی ایتگن که، حاضرگچه مخدره ماده خصوصیده دنیا تقاضا‌سی نینگ ۸۰ فایزی افغانستان‌دن تامین بوله‌دی.
