بیرلشگن ملتلر تشکیلاتینینگ ترقیاتی دستوری باشلیغی و اوشبو تشکیلات باشکاتبی اورینباسری الکساندر دیکرو گه کوره، افغانستانلیک ۲۹ میلیون کیشی اساسی احتیاجلرینی تامینلش امکانیتیگه قادر ایمس دیر.
او، بو موضوعنی بوگون (۱۵-سرطان، دوشنبه)، اکس صحفیهسی و ننگرهار ولایتی «درهی نور» تومنیگه قیلگن سفریده بیان قیلگن. بیرلشگن ملتلر تشکیلاتی اوشبو رسمیسینینگ کوپهیتیریشیچه، فوقالعاده یاردملر افغانستان یشاوچیلری حیاتینی قوتقرهدی.
بو بیلن بیرگه، بیرلشگن ملتلر تشکیلاتی ترقیاتی دستورینینگ ایتیشیچه، افغانستان یشاوچیلرینینگ ۷۴ فایزی برقرارسیز حیات بیلن روپهره دیر. بو نهادنینگ اکس صحیفهسیده یازیشیچه، اقتصادی قیینچیلیک، قاچقینلرنینگ مملکتگه قیتیشی و هوا اوزگریشلری طفیلی معمالر، افغانستان یشاوچلرینینگ حیات کیچیریشی همده عمومی خذمتلر کورسهتیلیشی بوییچه باسیمنی کوپهیتیرگن.
بوندن آلدین اسلام امیرلیگی اقصاد وزیرلیگی، آزیق-آوقت خوفسیزلیگی بیلن قرشی کورهش اوچون سوولرنی مدیریت قیلیش، ایکینچیلیک ییرلرنی رواجلنتیریش و ایش امکانیتلرینی یرهتیش بولیمیده بیر قطار برنامهلری بارلیگینی ایتگن ایدیلر.
