اسلام امیرلیگی اقتصاد وزیری دینمحمد حنیف، کابل ده جاپان ایلچیسی کنیچی ماساموتو بیلن اوچرهشیب و صحبت قیلگن.
اقتصاد وزیرلیگی، اوتگن کون اکس صحیفهسیده بیر بیانیه ترقهتیب، دینمحمد حنیف بیلن کنیچی ماساموتونینگ ایکی تامانلمه همکارلیکلر مستحکملنیشی و انسانسیورلیک یاردملر ترقیاتی توغریسیده صحبت قیلگنلرینی یازگن.
مذکور وزیرلیک کابل ده جاپان ایلچیسیدن نقل قیلیب یازیشیچه، اوشبو مملکت جاری میلادی ییلده هوا اوزگریشلری بیلن قرشی کورهش، سوو توغانلری قوریلیشی و سوو مدیریت بولیشی بولیمیگه ۳۵ میلیون دالر ارزشیگه قطار لایحهلرنی نظرگه آلگن.
شونینگدیک اقتصاد وزیرینینگ کوپهیتیریشیچه، هوا اوزگریشلری نتیجهسیده جبرلنگنلرگه یاردم بیریش و افغانستان یشاوچیلرینینگ اقتصادی قیینچیلیکلرینی حل قیلیش، خلقارا همجمعیتنینگ همکارلیگی، فوقالعاده دستورلرنی عملگه آشیریش و بو مملکت آستقورمهلری توغریسیده سرمایه یاتقیزیشگه نیازی بار.
