بیرلشگن ملتلر تشکیلاتی‌نینگ باله‌لرنی قوللب-قوتلاوچی صندیغی (یونیسف)، غزه گه اسرائیل هجوملری قیته باشلگنی‌دن کیین ۳۲۲ باله‌نینگ قربان بولگنی و شونینگدیک ۶۰۹ باله‌نینگ یره‌لنگنی‌نی معلوم قیلگن.
مذکور نهاد اوز وبسایتی‌‌ده بیر گزارش آرقه‌لی یازیشیچه، سونگی ایکی هفته ایچیده هر کونی غزه ده ۱۰۰ باله قربان بولیب یا-ده ناگران بولگن.
بیزلرنینگ «ایکس» ترماغی ده هم تعقیب قیلینگ!
یونیسف‌نینگ کوپه‌یتیریشیچه، یاردم‌لر توخته‌تیلیشی بیلن بیرگه اسرائیل هجوملری قیته باشلنگنی، تینچ اهالی اینیقسه فلسطین‌لیک بیر میلیون باله‌نینگ حیاتی‌نی جدی خوف آستیده قرار بیرگن.
اوشبو نهاد گزارشی‌ده کیلیشیچه: «غزه ده آتیش کیسین غزه ده‌گی باله‌لر اوچون نجات یولی‌نی آچیب و یخشی‌لنیش اوچون امید یره‌تگن؛ بیراق باله‌لر ینه اولیم‌گه آلیب بارووچی زوره‌وانلیک و محرومیت بیلن روپه‌ره بولگن.»
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی‌نینگ باله‌لرنی قوللب-قوتلاوچی صندیغی، غزه ده اوروش تامانلریدن باله‌لرنی قوللب-قوتلش اوچون خلق‌ارا قاعده-قانون‌نینگ رعایت قیلیشلرینی ایسته‌گن.
یونیسف‌نینگ معلوماتی اساسیده، حماس و اسرائیل آره‌سیده قریب ۱۸ آی اوروش جریانیده، غزه ده ۱۵ مینگ باله قربان بولیب و ۳۴ مینگ باله ایسه یره‌لنگن. شونینگدیک بو مدت‌ده بیر میلیون باله آواره بولیب و دست‌لبکی خذمت‌لردن فایده‌لنیش حقی‌دن محروم بولگنلر.
