آسیا جنوبی بوییچه یونیسفنینگ منطقهای مدیری سانجی ویجسکرا، افغانستان ده قیزلر یوزیگه مکتبلر ایشیگی آچیلیشینی سورهگن.
ویجسکرانینگ بوگون (۶-حمل/ ۲۶-مارچ، پنجشنبه)، اکس صحیفهسیده یازیشیچه، ینگی اوقوو ییلینینگ باشلنیشی، هر بیر باله اوچون امید بیرووچی بولیشی کیرهک.
اونینگ کوپهیتیریشیچه، افغانستان دهگی قیزلر توشینیلگنیدن کوپراق، مکتبلر آچیلیشینی کوتیب تورگن و حاضر، مکتبلر ایشیگینینگ قیته آچیلیش وقتی ییتیشگن.
یونیسفنینگ منطقهای مدیری شوندهی دیدی: «مکتبلر ایشیگینینگ قیته آچیلیش وقتی ییتیشگن، چونکه امید، کرامت و کیلهجک، تعلیمدن باشلنهدی.»
قویاش ییل باشلنیشی بیلن، افغانستاننینگ ساووق هواسی بولگن ولایتلرده ینگی اوقوو ییلی باشلنگن. شوندهی بیرحالده، اسلام امیرلیگینینگ قدرت گه ایریشگنیدن کیین بیش ییلدن بیری، آلتینچی صنفدن یوقاری میلیونلب قیز تعلیمدن محروم بولیب قالگن.
