افغانستان ده بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف) باشلیغی، تاج‌الدین اویولی نینگ ایتیشیچه، اوشبو نهاد جاری میلادی ییل نینگ باشلنگنی‌دن حاضرگچه ۲۴۰ ساغلیق مرکز آرقه‌لی ۱۸ میلیون کیشی گه ساغلیق خذمتلرنی ارائه قیلگن.
اقتصاد وزیرلیگی بوگون (چهارشنبه، ۳۱-اسد)، اوز اکس صحیفه‌سیده بیر بیانیه آرقه‌لی یازیشیچه، اویولی بو موضوع نی مذکور وزیرلیک سرپرستی دین‌محمد حنیف بیلن اوچره‌شگنی‌ده بیان قیلیب و کوپه‌یتیرگن که، یونیسف ۲۵۰ مینگ باله گه یاردم ترقه‌تیب و شونینگدیک ۴۰۰ مینگ عایله گه ایچیم‌لیک سوودن فایده‌لنیش زمینه‌سینی یره‌تگن.
بیزلرنینگ فیسبوک صحیفه‌میزگه باش اورینگ!
بیانیه اویولی‌‌دن نقل قیلیب کوپه‌یتیریشیچه: «یونیسف دفتری هرات و بغلان ده طبیعی واقعه‌لر و هوا اوزگریشلریدن زیان کورگن قریب ۲۳ مینگ کیشی گه هم یاردم بیرگن.»
افغانستان ده بیرلشگن ملتلر تشکیلاتی نینگ باله‌لردن حمایت قیلووچی صندیغی باشلیغی گه کوره، مذکور نهاد قاچقینلر قیین‌‌چیلیگی حلی بولیمی‌ده ایکی میلیون ۵۰۰ کیشی گه ساغلیق خذمتلر ارائه قیلیب و جاری ییل‌ده کابل و باشقه ۱۳ ولایت‌ده کوپینچه لایحه‌لر نینگ عمل‌گه آشیریلیشی اوچون سعی‌وحرکت قیلماقده.
بیزلرنینگ «ایکس» ترماغی ده هم تعقیب قیلینگ!
بیانیه‌ده کیلیشیچه، اقتصاد وزیرلیگی سرپرستی دین‌محمد حنیف بو اوچره‌شووده اوزاق منطقه‌لرده یونیسف لایحه‌لری ایشی نینگ تیزلنتیریلیشینی ایسته‌ب و بو نهاد لایحه‌لری عمل‌گه آشیریلیشی خصوصیده ییترلی آسایشته‌لیکلر یره‌تیلیشی‌دن ایشانچ بیرگن.
