افغانستان ده بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف)، نینگ اعلام قیلیشیچه، حاضر آلتی میلیون ۱۰۰ مینگ افغانستان یشاوچیسی مهم ساغلیق یاردملردن فایده‌لنیش امکانیتی‌گه ایگه دیر.
بیزلرنینگ «ایکس» ترماغی ده هم تعقیب قیلینگ!
اوشبو نهاد بوگون (یکشنبه، ۱۳-عقرب)، اوز اکس صحیفه‌سیده بیر بیانیه آرقه‌لی یازیشیچه، جاری میلادی ییل سپتمبر آیی‌ده افغانستان نینگ تورلی ولایتلریده‌گی ایکی مینگ ۴۰۰ دوالنیش مرکزلریدن حمایت قیلگن.
بیانیه‌ده کیلیشیچه: «یونیسف نینگ حمایتی آستیده بولگن دوالنیش مرکزلرده، عایله‌لر نیازلری بولگن دارولرنی قولگه کیلتیره آله‌دیلر. عایله‌لر ملکه‌لی طبیات ایشلاوچیلری گه قول تاپه آله‌دیلر.»
بیزلرنینگ فیسبوک صحیفه‌میزگه باش اورینگ!
افغانستان نینگ ساغلیق توزومی، کوپراق دنیا یاردم‌لری گه تیگیشلی بولگن بولیم‌لردن دیر. اسلام امیرلیگی اینیقسه ساغلیق‌نی سقلش وزیرلیگی رسمی‌لری، اوتگن اوچ ییل‌ده نیچه مرته افغانستان نینگ ساغلیق بولیمی بیلن مملکتلر و خلق‌ارا تشکیلاتلر نینگ همکارلیک قیلیشلرینی ایسته‌گن.
