۱۱-فبروری، «بیلیم ساحهسیده خاتین-قیزلر اورنی خلقارا کونی» بیلن بیرگه، افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما)، آلتینچی صنفدن یوقاری قیزلر تعلیمی تقیقلنگنینینگ بیکار قیلینیشینی سورهگن.
یونامانینگ بوگون (۱۱-فبروری/ ۲۲-دلو، چهارشنبه)، اکس صحیفهسیده یازیشیچه، آلتینچی صنفدن یوقاری قیزلر مکتبلرینینگ یاپیق قالگنیدن بیر مینگ ۶۰۷ کون اوتگنی بیلن، بو کوننی «قیغو» بیلن نشانلهیدی.
بیرلشگن ملتلر تشکیلاتی اورینباسرلیک هیئت ادارهسینینگ اورغولشیچه: «تورت ییل دوامیده عیاللر و قیزلرنینگ مهم ساحهلرده اشتراکی یوقلیگی سبب، قولدن بیریلگن امکانیتلر و قرانغو کیلهجک حکم سورماقده.»
بو بیلن بیرگه، اروپا اتفاقی قیزلر و عیاللر تعلیمیگه خاص توجه قرهتیلیشینی سورهب و اولرنینگ اعتبار مرکزیده بولیشی کیرهک دیب اعلام قیلگن.
مذکور نهادنینگ کوپهیتیریشیچه، همشیره و قابلهلردن تدقیقاتچیلرگه قدر، افغانستان ده عیاللرنینگ فعال اورنی ساغلام و رواجلنگن بیر جمعیتنی قوریش اوچون مهم دیر. اروپا اتفاقینینگ اورغولشیچه، شریکلری بیلن افغانستان ده برچه اوچون تعلیمدن حمایت قیلهدی.
شوندهی بیرحالده، بیرلشگن ملتلر تشکیلاتی باش کاتبی آنتونیو گوترش، دنیا ده قیزلر و عیالر علمی مقصدلرینینگ حقیقتلنیشی اوچون امکانیتلر یرهتیلیشیگه تاکید قیلگن. گوترشگه کوره، بیلیم و اورگهنیش ساحهسیده برابرلیک، جمعیت رواجلنیشی و ترقیاتی کلیدی دیر.
۲۰۲۱-ییل آگست آییده اسلام امیرلیگینینگ قدرت گه ایریشگنیدن کیین، آلتینچی صنفدن یوقاری قیزلر تعلیمی تقیقلهنیب و بو چیکلاولر اولرنینگ تورلی تعلیمی ساحهلریگه ییتیشگن. تورت ییل اوتگنی بیلن، بو تقیقلر حاضرگچه بیکار قیلینمهگن.
۲۰۱۵-ییل دسمبر آییده، بیرلشگن ملتلر تشکیلاتی، بیلیم ساحهسیده خاتین-قیزلر اورنینی قدرلش مقصد، ۱۱-فبرورینی «بیلیم ساحهسیده خاتین-قیزلر اورنی خلقارا کونی» صنفیده ناملهگن.
