بیرلشگن ملتلر تشکیلاتی ترقیاتی دستورینینگ گزارش بیریشیچه، افغانستان گه قیتگن عایلهلردن یریمی آزیق-آوقت تامینلنیشی اوچون ساغلیقنی سقلش خذمتلریگه اعتبار قرهتمهیدی.
بو نهاد، بوگون (۱۱-قوس، سهشنبه)، اکس صحیفهسیده یازیشیچه، مملکت گه قیتگنلر تورلیخیل قیینچیلیکلر بیلن روپهرهلر و اولردن کوپ قطاری سوودن فایدهلنیش اوچون کوپینچه یول یوریشگه مجبورلر.
اوشبو گزارش اساسیده، قیتگن قیزلردن یالغیز ۲۳ فایزی باشلنغیچ تعلیمینی بیتیرهدی و مملکت جنوبیده، قیتگن بالهلرنینگ ۳۰ فایزی ایش و عایله خرهجتینی تامینلش بیلن شغللنگن.
ایران و پاکستان سونگی آیلرده، افغانستانلیک قاچقینلرنینگ چیقریش جریانینی کوچهیتیرگنی و کونده مینگلب کیشینینگ افغانستان گه قیتریلهیاتگنی بیرحالده، بو خواطرلر بیان بولماقده.
بیرلشگن ملتلر تشکیلاتینینگ قاچقینلر ایشلری بوییچه عالی کمیساری معلوماتی اساسیده، جاری میلادی ییلده ایران و پاکستان دن ایکی میلیون ۵۰۰ افغانستانلیک قیتریلگن.
