بیرلشگن ملتلر تشکیلاتینینگ آزیق-آوقت و ایکینچیلیک تشکیلاتی (فائو)، بدخشان ده یوز بیرگن سونگی سوو تاشقینلر نتیجهسیده، مینگدن آرتیق عایله و اونلب هکتار ایکینچیلیک ییرنینگ تاثیرلنگنینی بیان قیلگن.
فائو، بوگون (۱۶-ثور، سهشنبه)، اکس صحیفهسیده یازیشیچه، سوو تاشقینلر بدخشاننینگ جرم و بهارک تومنلریده یوز بیرگن.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتینینگ آزیق-آوقت و ایکینچیلیک تشکیلاتیگه کوره، یوز بیرگن اوشبو سوو تاشقینلر نتیجهسیده، بیر مینگ عایله، بیر مینگ ۲۳۳ هکتار ییر، ۱۵۰ چاروهدار و ۵۰۰دن آرتیق چاروه تاثیرلنگن.
شونینگدیک بدخشان ولایتی یمگان تومنیده یوز بیرگن سوو تاشقینلر، بوغدای ایکینزارلری و ایکینچیلیک ییرلرگه زیان ییتیشتیریب و چاروهلرنینگ تلف بولیشیگه سبب بولگن.
بیزلرنینگ فیسبوک صحیفهمیزگه باش اورینگ!
فائونینگ ایتیشیچه، باشقه شریکلری بیلن بدخشان ولایتینینگ اوزاق منطقهلریگه ییتیشگن زیانلرنی تیکشیرماقدهلر.
جمعه و جاری هفته یکشنبه کونی، یوز بیرگن قتیق یاغینگرچیلیکلر و سوو تاشقینلر بدخشان ولایتینینگ بیر قطار تومنلرینی تاثیرلنتیرگن. دستلبکی معلومات اساسیده، بدخشان ولایتی جرم تومنیده جمعه کونی یوز بیرگن سوو تاشقین نتیجهسیده، ایکی کیشی اولیب و باشقه اوچ کیشی یرهلنگن.
