قزاقستان تشقی ایشلر وزیرلیگی بوگون (۱۵-حوت، چهارشنبه) ایکس صحیفهسیده بیر بیانیه ترقهتیب، بیرلشگن ملتلر تشکیلاتی عمومی ییغیلیشیده مرکزی آسیا مملکتلری و افغانستان دایمی ترقیاتی اوچون، منطقهای مرکز قوریلیش گه قرار قیلینگنینی معلوم قیلگن.
بو منطقهای مرکزنینگ ایشی باشلنیش وقتی معلوم قیلینگن بولمسهده؛ بیراق بو مرکز قزاقستان پایتختی آلماتا شهریده قوریلیش گه قرار قیلینگن.
قزاقستان جمهور باشلیغی قاسم جومارت توکایف، افغانستانده دایمی تینچلیک برقرار اېتیلیشی، مرکزی آسیا امنیتی و ترقیاتی اوستیگه مستقیم تأثیری بولیشینی اېتگن.
بیزلرنینگ فیسبوک صحیفهمیزگه باش اورینگ!
قزاقستان تشقی ایشلر وزیرلیگینینگ بیانیهسی بیر بولیمیده بوندهی کېلگن: «افغانستان اقتصادی ترقیاتی گه علیحده دقت بولهدی. بو مملکتده تینچلیک تأمین اېتیلیشی مرکزی آسیا امنیتی و ترقیاتی اوستیگه مستقیم تأثیری بار. قزاقستان هردایم افغانستان خلقینی قۉللب-قوتلهیدی.»
عینحالده، سیاسی ایش بیلرمانلردن بیرقطاری، موجود قیینچیلیکلر حقیقی شکلده آچیقلنیشی اوچون بو مرکزده افغانستاندن وکیل بولیشی کېرهک دیېدیلر.
سیاسی ایش بیلرمان یوسفامین زازینینگ ایتیشیچه: «حکومتنینگ تن آلینیش مسئلهسی مهم اېمس که بو گَل مرکزلرده نمایندهمیز بولسه. منطقه و قۉشنی مملکتلرنینگ وظیفهسی شو دیر که افغانستان و دنیا اورتهسیدهگی قیینچیلیکلر گه ییچیم یول تاپسه و افغانستان ېنه بیر مرته منطقه و دنیا گه قوشیلسه.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، اقتصادی ایش بیلرمان امیدالله قاسمزی گه کوره، بو مرکز قوریلیشی افغانستان اقتصادی ترقیاتی اوچون مثبت تأثیری بار. او افغانستاننینگ اقتصادی قیینچیلیکلری اینیقسه دنیا تحریملری، سرمایهسی توسیلیشی و ترقیاتی لایحهلر توختهتیلیشی گه اشاره قیلهدی.
اونینگ کوپهیتیریشیچه: «افغانستاندهگی موجود اقتصادی قیینچلیکلر گه قرگنده، منطقهای مرکز قوریلیشی دایمی ثبات، امنیت تأمین اېتیلیشی، ترقیاتی لایحهلر باشلنیشی و عموم آلگنده افغانستانده سرمایه یاتقیزیش اوچون اهمیتلی دیر.»
اسلام امیرلیگی حاکمیتیدن کېین، افغانستان سرپرست حکومتی دنیا همجمعیت تامانیدن تن آلینمسلیگی، اقتصادی قیینچیلیکلر و افغانستاننینگ بیرلشگن ملتلر تشکیلاتیده وکیلی قبول قیلینمسلیگی کبی قیینچیلیکلر بیلن روپهره بولگن؛ بیراق اوشبو مدت ایچیده اسلام امیرلیگی منطقه مملکتلردن بیرقطاری جملهدن قزاقستان بیلن سیاسی و اقتصادی مناسبتینی کېنگهیتیرگن.
