بیرلشگن ملتلر تشکیلاتینینگ آزیق-آوقت و ایکینچیلیک دستوری (فائو)، افغانستان ده پیاز و کچالو سقلنیشی اوچون ۳۶۰ ته امبار قورگنینی معلوم قیلگن.
اوشبو نهاد، بوگون (۶-عقرب، سهشنبه)، اکس صحیفهسیده یازیشیچه، مذکور امبارلر افغانستاننینگ تورلی ولایتلریده دنیا بانکی یاردمی بیلن قوریلگن.
بیرلشگن ملتلر تشکیلاتی آزیق-آوقت و ایکینچیلیک دستورینینگ ایتیشیچه، امبارلردن هر بیری ۴۵ دن ۵۰ تُن پیاز و کچالونینگ سقلش امکانیتیگه ایگه بولیب و بو محصول خراب بولیشینینگ آلدینی آلهدی.
مذکور تشکیلات، بوندن آلدین بامیان دهگی دهقانلرنینگ پیاز و کچالو حاصللریدن ۳۰ فایزدن آرتیغینی، عنعنوی انبارلرگه قوییش بیلن قولدن بیریشلرینی بیان قیلگن.
پیاز و کچالو، افغانستاننینگ اینگ مهم ایکینچیلیک محصوللریدن بولیب و ییلده، اونینگ بیر قسمی تشقی مملکتلر جملهدن هندوستان و پاکستان گه صادر بولهدی.
