بیرلشگن ملتلر تشکیلاتینینگ جمعیت صندیغی، افغانستان گه انسانسیورلیک یاردملر بودجهسی کمهیشیدن خواطر بیلدیریب و آگاهلنتیریشیچه، مذکور یاردملرنینگ کمهیشی نتیجهسیده، آلتی میلیون ۳۰۰ مینگ کیشینینگ ساغلیقنی سقلش خذمتلریگه قول تاپیش امکانیتیدن محروم بولیشی ممکن.
مذکور نهاد، بوگون (۱-جوزا، پنجشنبه)، اکس صحیفهسیده یازیشیچه، ساغلیقنی سقلش خذمتلریدن کوپراق عیاللر و قیزلر محروم بولهدی.
بیزلرنینگ فیسبوک صحیفهمیزگه باش اورینگ!
بیرلشگن ملتلر تشکیلاتینینگ جمعیت صندیغیگه کوره، مالی منبعلر کملیگی سبب، آنهلر مراقبتلری بوییچه دوالنیش خذمتلرنی کمهیتیریش، اوزاق منطقهلردهگی یوزلب فعال ساغلیقنی سقلش مرکزلرینینگ یاپیش و کوچمه کلینیکلر فعالیتینی توختهتیشگه مجبور بولهدی.
افغانستاننینگ ساغلیقنی سقلش سکتوری، نیچه دههدن بویان جدی بیر شکلده خلقارا یاردملرگه تیگیشلی بولگن دیر.
بیزلرنینگ «ایکس» ترماغی ده هم تعقیب قیلینگ!
بوندن آلدین بیرلشگن ملتلر تشکیلاتینینگ جمعیت صندیغی ییللیک گزارشیده، ۲۰۲۴-ییلده افغانستان بویلب ۱۳ میلیون ۷۰۰ مینگ کیشیگه ساغیلقنی سقلش خذمتلرینینگ کورستگنینی معلوم قیلگن ایدی.
مذکور گزارش اساسیده، بیرلشگن ملتلر تشکیلاتینینگ جمعیت صندیغی خذمتلری، افغانستاننینگ ۳۴ ولایتیده کوپهیب، ۸۹ ته ینگی ساغلیقنی سقلش اویی تشکیل ایتیلیب و اوزاق همده باریب-کیلیش قیین بولگن بولیملرگه ۵۸ ته سیار تیم یوباریلگن.
