افغانستان ده ناگران کیشیلر کوپینچه قیینچیلیکلر جمله‌دن تعلیم و ایشلش امکانیتی‌دن فایده‌لنه آلمسلیک بیلن روپه‌ره بولگنلری بیرحالده؛ بیراق مذکور کیشیلردن قطاری قیینچیلیکلر گه اعتبار قره‌تمه‌ی و موفقیت‌‌گه ییتیشه آلگنلر.
سلام‌وطندار‌نینگ مذکور گزارش‌ده اوچ ناگران قیز بیلن صحبت اوتکزگنی گه کوره، اولر چیکلاولر و اجتماعی قیین‌چیلیکلر‌نینگ بارلیگی بیلن، لیکن سعی‌وحرکت‌دن قول تارتمه‌ی و یوتوقلر گه ییتیشگنلر.
مذکور قیزلر‌نینگ ایتیشلریچه، یالغیز کوچلی اراده بیلن، قیینچیلیکلر برابریده توخته‌ش ممکن.
فارسچه تیلی و ادبیات فاکولته‌سی‌نی بیتیرگن کوزدن عاجز کابل یشاوچیسی مریم‌نینگ ایتیشیچه، ناگران‌لیک هیچ قچان اونینگ سعی‌وحرکتی و ترقیات‌گه ایریشیشی آلدینی آلالمه‌گن. «اوی‌دن مکتب‌گچه یول‌نینگ فاصله‌سی کوپ ایدی؛ بعضا موترلر بیلن توقنشه‌ر ایدیم. کانکور سیناوینی بیرماقچین بولگنیم‌ده ناگرانلردن سیناو آلینمه‌یدی دیدیلر؛ بیراق مین سعی‌وحرکت قیلدیم و وزیرلیک‌دن امر آلدیم.»
بیزلرنینگ فیسبوک صحیفه‌میزگه باش اورینگ!
شونینگدیک مریم‌نینگ کوپه‌یتیریشیچه، بعضا یالغیزلیک و حیات قیین‌چیلیکلریدن اوزاق‌لش اوچون یازماققه یوز کیلتیریب و دنیا نی کورمه‌گنی بیلن، بیراق دنیا‌نینگ چیرایلی بیر ییر بولگنینی حس قیلیب و بو توغریده یازه‌دیلر.
مریم گه کوره، اوز خیالی‌ده آنه‌سی‌نینگ یوزینی تصویرله‌‌یدی. «آنه‌م‌نی کورماقچین‌مین. برچه کیشی ماشاءالله قنچه چیرایلی‌سین دیه‌دی و شونی اوچون مین هم آنه‌م‌نینگ یوزینی چیرایلی تصویرله‌یمن.»
قول و ایاق‌لریده توغمه جسمانی ناگران‌لیگی‌دن اذیت چیکه‌دیگن ایکی سینگیل سلیمه و عاطفه‌نینگ ایتیشلریچه، قیزلر گه تعلیمی چیکلاولر یره‌‌تیلگنی سبب، تعلیم‌لرینی بیتیره آلمه‌گنلر. اولر‌نینگ کوپه‌یتیریشلریچه، اوشبو چیکلاولر بولگنی بیلن، بیراق فعالیت و سعی‌وحرکت‌دن قول تارتمه‌ی و حاضر ایسه دینی مدرسه‌ده استاد‌لر و کونده قریب ۳۰ اوقووچی گه قرآن‌کریم اورگته‌دیلر.
سلیمه قیین‌چیلیکلرینی بیان قیلیب و ایتیشیچه: «مینی و سینگلیم‌نی ابه‌م‌نینگ قیزلری مدرسه گه ییتیشتیره‌‌ر ایدیلر. یوره آلمسلیگیم اوچون ویلچر بیلن کیته‌‌ر ایدیم. قار و یامغیر یاغگنی‌ده مکتب باره آلمه‌ی و درس‌دن قاله‌ر ایدیم.»
شونینگدیک سلیمه‌نینگ کوپه‌یتیریشیچه، برچه قیینچیلیکلر بیلن کیله‌جک‌ده انجنیر بولماقچین ایکن که سونگی اوزگریشلر اونینگ بو ایسته‌گی‌گه ییتیشیش‌نی قیین‌لشتیرگن و او سینگیلی‌سی بیلن خصوصی مدرسه‌لردن بیریده درس بیریش گه قرار آلگن. «حاضر ۳۰ اوقووچی‌میز بار و قرآن‌کریم درس بیره‌میز. کیله‌جک‌ده انجنیر بولیش‌نی ایسته‌یمن. باشقه ناگران کیشی‌ر گه ناامید بولمه‌ی و سعی‌وحرکت قیلیشلرینی ایسته‌یمن.»
شوندهی بیرحالده، ۲۰ یاشر عاطفه افغانستان ده تانیقلی بیری بولیمیش اوچون سعی‌وحرکت قیلیشی‌نی بیلدیریب و ایتیشیچه، عیاللر اوچون بویوک بیر مدرسه قوریش نی ایسته‌یدی. «یوره آلمس ایدیم و بو مینی کوپ زیریکتیره‌ر ایدی. سینگیلیم بیلن بیر ییرده درس بیره‌میز. بو قیین‌چیلیک‌نینگ حل بولیشی و ساغه‌یشیم‌نی ایسته‌یمن. درس اوقیب و بویوک بیر مدرسه قوریش‌نی امید قیله‌من.»
شوندهی بیرحالده، قیزیل‌خاج کمیته‌سی سوزلاوچیسی پرویز‌احمد فیضی‌نینگ سلام‌وطندار گه ایتیشیچه، قریب ۸۰۰ ناگران ایشلاوچیسی بار و اولر هیچ بیر قیین‌چیلیک بولمس‌دن باشقه کیشیلر کبی موفقیت‌لی بیرشکلده ایشلری گه دوام بیره‌دیلر.
بیزلرنینگ «ایکس» ترماغی ده هم تعقیب قیلینگ!
جناب فیضی‌نینگ کوپه‌یتیریشیچه: «حاضر ایسه ۸۵۸ ایشلاوچی‌دن ۷۴۳ ته‌سی ناگران دیر که بو اداره‌‌نینگ ۸۷ فایز ایش کوچی‌نی تشکیل بیره‌دی. مذکور همکارلریمیز بو اداره ایشلری‌نی بجره آله‌دیلر و منظم آیلیک قولگه کیلتیریش بیلن عایله‌لری‌نینگ مالی حمایت قیله آله‌دیلر.»
عین حالده، سرپرست حکومت شهیدلر و ناگرانلر وزیرلیگی مسئوللری‌نینگ ایتیشلریچه، اوشبو وزیرلیک‌ده ۶۵۰ مینگ ناگران، ییتیم و بیوه عیال ثبت بولیب و ناگرانلر حقوقی فرق قیله‌دی و اولرگه آی‌ده قریب ۲۰ مینگ امتیاز اختصاص بیریلگن.
مذکور وزیرلیک سوزلاوچیسی فیصل خاموش‌نینگ سلام‌وطندار گه ایتیشیچه: «افغانستان بویلب بو وزیرلیک‌ده ۶۵۰ مینگ ناگران، ییتیم و بیوه عیال ثبت دیر که اونگه مجاهدلر، ملکی، سابق حکومت حربی‌لری و عسکرلر شامل بوله‌دی و برچه‌سی ثبت بولگن. هر آی‌ده آیلیک بیریله‌دی. طبیعی شکلده، کسل‌لیک و ترافیکی حادثه‌‌لر نتیجه‌سیده ناگران بولگنلر هم ثبت دیر و اولر گه هم آیلیک بیریله‌دی. حربی بولیم‌ده ناگران بولگنلر امتیازی کوپ دیر. ۱۵-۲۰ مینگ بیریله‌دی. شونینگدیک هر بیر ناگران‌نینگ ناگران‌لیگی گه قره‌ب امتیاز بیریله‌دی.»
ایتیش کیره‌ک که، ۳-دسمبر خلق‌ارا ناگرانلر کونی گه ماس دیر. ۱۹۹۲-ییل‌ده بیرلشگن ملتلر تشکیلاتی‌نینگ قراری اساسیده بو کون خلق‌ارا ناگرانلر کونی صفتیده ناملنگن و بو کون‌نینگ نشانلنیشی‌دن مقصد، ناگران کیشی‌لرنی قوللب-قوتلش دییلگن.
