اوکراین جمهور باشلیغی ولودیمیر زلنسکی، تورکیه گه باریب و اوشبو مملکت جمهور باشلیغی رجب طیب اردوغان بیلن اوچرهشوویدن خبر بیرگن.
تورکیه آنادولو یېتکرمهسی، اوکراین جمهور باشلیغی، بوگون (۲۶-دلو، جمعه) جرمنیده ۶۱-مونیخ امنیتی کنفرانسی گه اشتراک اېتیب و مطبوعاتی بیر ییغیلیشده کېلهسی کونلرده تورکیه گه باریش ریجهسیدن خبر بیرگنینی معلوم قیلگن.
بیزلرنینگ فیسبوک صحیفهمیزگه باش اورینگ!
معلوماتلر اساسیده، ولودیمیر زلنسکی روسیه و اوکراین اوروشیده اسیرلر المشتیریلیشی و انسان سیورلیک یاردملر حقیده بحث اېتیش اوچون بیرلشگن عرب امیرلیگی و سعودی عربستان گه باریب و کېین اېسه تورکیه گه باریشی کوتیلهدی.
زلنسکی، اوشبو سفرلری دایرهسیده امریکا قۉشمه ایالتلری یا-ده روسیه وکیللری بیلن اوچرهشووی حقیده ریجهسی یوقلیگینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
مونیخ امنیتی کنفرانسی، دفاع و امنیت ساحهسیده دنیادهگی اېنگ مهم پلتفارمهلردن تانیلهدی، بوگون (۲۶-دلو/۱۴-فبروری، جمعه) اوکراین اوروشی و یقین شرقدهگی کلیدی موضوعلر بیلن باشلندی و ۲۸-دلو، یکشنبه کونگچه دوام تاپیشی کوتیلهدی.
