اوکراین ده روسیه و اوشبو مملکت حربی‌لری آره‌سیده اوروش دوام ایتماقده ایکن، اوکراین نینگ آودیوکا شهری روسیه حربی کوچلری نینگ نظارتی گه اوتگن.
اسوشیتدپرس روسیه مدافعه وزیری سرگئی شویگو دن نقل قیلیب یازیشیچه، ۲۸-دلو، شنبه کیچه، روسیه حربی کوچلری اوکراین نینگ آودیوکا شهرینی بوتونلی نظارت گه آلیب و اوشبو شهر نینگ تورلی بورچک‌لرینی تازه‌لش گه باشله‌گنلر.
بیزلرنینگ فیسبوک صحیفه‌میزگه باش اورینگ!
بو ایکّی مملکت حربی کوچلری تورت آی دن بیری آودیوکا شهری ده اوروش قیلماقده ایدی و نهایت اوتگن کون روسیه نظارتی گه اوتدی.
شو بیلن بیرگه، اوکراین کوچلری قوماندانی اوکراین شرقی ده‌گی شهر دن کوچلرینی چیقریشینی معلوم قیلگن.
اوکراین حربی کوچلری نینگ ینگی تعیینلنگن قوماندانی جنرال الکساندر سیرسکی، محاصره دن باش تارتیب و عسکرلر نینگ جانینی سقلش گه قرار قیلگنینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
عین‌حالده، مذکور مملکت جمهور باشلیغی ولادیمیر زلنسکی روسیه برابری ده قورال-یراغ و حربی امکانیت تنقیص‌لیگیدن آگاه‌لنتیریب و مونیخ خوفسیزلیک ییغیلیشی ده غرب مملکت‌لریدن کی‌یف گه حربی یاردم‌لری گه دوام بیریش‌لرینی سوره‌گن.
اوکراین حربی جهاز و انسانی کوچ کمچیلیگی بیلن دوچ بولگن بیرحالده، اوشبو شهر روسیه حربی کوچلری نینگ نظارت گه اوتگن.
