کنگو دموکراتیک جمهوریتی عملدارلری، اوشبو مملکتنینگ شمالغربی حدودلریده ایکی کیمهنینگ چوکیب کیتیشی عاقبتیده چمهسی ۱۹۳ کیشی هلاک بولیب و باشقه اونلب کیشی لادرک بولگنینی بیلدیرگنلر.
خلقارا یېتکرمهلر، ۲۲-سنبله، شنبه کونی ترقهتگن گزارشلریده، بو واقعهلر چهارشنبه و پنجشنبه کونلری بیر-بیریدن قریب ۱۵۰ کیلومتر مصافهده «اِکواتور» ولایتیده یوز بیرگن.
کنگو انسان سیورلیک بوییچه وزیرلیگینینگ معلوماتی گه کوره، پنجشنبه کیچهدهگی حادثهده یوک تاشووچی بیر کیمه قریب ۵۰۰ یولاوچیسی بیلن کنگو دینگیزی لوکولِلا حدودلریده آلاو آلیب و کېین اېسه قولهگن. بو واقعهده ۱۰۷ کیشی هلاک بولگن، ۲۰۹ کیشی قوتقریلیب و ۱۴۶ کیشی هم لادرک دیر.
کنگو دولت یېتکرمهلری، کیمهنینگ چوکیشینی «ناتوغری یوکلش و کیچه حرکت» قیلیش دیب اتهگن.
بیر کون آلدینراق، علیحده باشقه واقعهده موتوری بیر قایق باسانکوسو حدودلریده قولهدی نتیجهده کمیده ۸۶ کیشی که اولرنینگ اکثریتی طلبهلر اېدیلر؛ هلاک بولیشدی. اوشبو واقعهده باشقه نیچه کیشی لادرک بولگن و حاضرگه قدر اولرنینگ انیق رقمی حقیده ایضاح کیریتیلمهگن.
قیدیرو عملیاتی دینگیز کوچلری و محلی کونگیللیلر همکارلیگیده ساحل بویلب دوام ایتماقدهلیگی اېتیلهدی.
