زابل امنیه قوماندانلیگی سوزلاوچیسی ذبیحالله جوهرنینگ ایتیشیچه، کابل-قندهار قتناو یولیده یوز بیرگن ترافیکی حادثهده، بیر کیشی اولگن.
اونینگ کوپهیتیریشیچه، بوگون توشدن آلدین (۱۵-سرطان، دوشنبه)، زابل ولایتی شاهجوی تومنیده جایلشگن «بازرگان» منطقهسیده، «۵۸۰» رسوملی بیر موتر سرکدن چیقیب و چپه بولگن.
زابل امنیه قوماندانلیگی سوزلاوچیسیگه کوره، مذکور ترافیکی حادثه عاقبتیده بیر کیشی اولیب، آلتی عیال و تورت باله شامل ۲۸ کیشی یرهلنگن.
شوندهی بیرحالده، سمنگان امنیه قوماندالیگی سوزلاوچیسی حشمتالله رحمانی، اوشبو ولایتده یوز بیرگن ترافیکی حادثهده بیر کیشی اولیب و توقیز کیشی یرهلنگنینی بیان قیلگن.
رحمانینینگ ایتیشیچه، بوگون توشدن آلدین سمنگان ولایتی خُلم تومنیده یولاوچی تاشووچی بیر موتر «تیلر» بیلن توقنشگن.
هیداوچیلرنینگ احتیاطسیزلیگی، ترافیکی قاعده-قانوننینگ رعایت بولمسلیگی و سرکلر بوزوقچیلیگی، افغانستان ده ترافیکی حادثهلر یوز بیریشی اصلی سببلریدن دییلهدی.
