خلقارا ییتکرمهلرنینگ معلوماتیگه کوره، اسپانیانینگ کوردوبا حدودلریده ۲۸ جدی/ ۱۸ جنوری کیچ قورون، ایکی ریلنینگ توقنشووی عاقبتیده ۲۱ کیشی اولگن و باشقه اونلب کیشی یرهلنگن.
معلوماتلر اساسیده، ایکیله ریل ایچیده قریب ۵۰۰ یولاوچی بار ایکن و اوشبو واقعه قندهی یوز بیرگنلیگی همان نامعلوم و تیکشیرولر دوام ایتماقده.
اوشبو واقعهده احوالی آغیر بولگن چمهسی ۳۰ کیشی کسلخانهلر گه آلیب باریلگنی ایتیلگن.
قوتقرو تیملری آمبولانسلر، سیار مخصوص مراقبتلر تیملری و فوقالعاده کوچلردن قوللنیب، قوتقرو عملیاتینی باشلب و یرهلنگنلرنی کسلخانه گه آلیب بارگن.
اسپانیا باش وزیری پدرو سانچز، اوشبو واقعهنی مملکتی اوچون «هلاکتلی» دیب و واقعه قربانلرینینگ عایلهلری بیلن همدردلیک بیلدیرگن.
