بلخ دهگی امنیتی منبعلر، اوشبو ولایتده علیحده ایکّی یانغین قریب ۷۰۰ مینگ افغانی مالی زیان یېتکیزگنینی معلوم قیلهدیلر.
بلخ امنیه قوماندانلیگی، بیر بیانیه ترقهتیب بیرینچی یانغین بوگون (۳-جوزا، شنبه) مذکور ولایتنینگ نهرشاهی اولسواللیگی حاجری قلعهسی منطقهسیده «پخته» پروسس قیلیش مرکزیده، پخته ایسیق کېلیشی طفیلی صادر بولگنینی اېتگن.
بیزلرنینگ فیسبوک صحیفهمیزگه باش اورینگ!
اوشبو یانغین، قریب ۶۰۰ مینگ افغانی مالی زیان یېتکیزگن.
بیانیه اساسیده، اطفائیه تیمی خادملرینینگ سعی-حرکتی بیلن، یانغین کېنگهیشی آلدی آلینیب و تخمیناً بیر میلیون افغانیلیک نرسه محلدن قوتقریلگن.
بلخده ایکّینچی یانغین، مزارشریف شهری هوا قونالغهسی یقینیدهگی زغیر یاغ ایشلب چیقریش مرکزیده، برق لینی شارت قیلیشی باعث یوز بیرگن.
بیزلرنینگ «ایکس» ترماغی ده هم تعقیب قیلینگ!
امنیه قوماندانلیگی گه کوره، اوشبو واقعه قریب ۱۰۰ مینگ افغانی زیان یېتکیزگن؛ بیراق اطفائیه تیمی خادملری ایکّی میلیون افغانیلیک توارنی محلدن چیقریش گه اولگورگنلر.
