تورکیه دولتی، اسرائیل باش وزیری بنیامین نتانیاهو و بو مملکتنینگ باشقه بیرقطار ییریک رسمیلرینی، غزه اوروشی جریانیده «قیرغین قیلیش و بشریت گه قرشی جنایت» عیبی بیلن قولگه آلیش بویروغینی صادر قیلگن.
استانبول محکمهسی ادارهسینینگ بیانیهسیده، مظنونلر رویخطیده ۳۷ نفر اسرائیل رسمیسینینگ نامی کیریتیلگن. مدافعه وزیر اسرائیل کاتز، ملی خوفسیزلیک وزیری ایتامار بن گویر و اسرائیل اردوسی ستاد باشلیغی ایال زمیر، قولگه آلینیش بویروغی صادر قیلینگن کیشیلردن عبارت دیر؛ بیراق مظنونلرنینگ تولیق رویخطی هلیگچه ترقلمهگن.
تورکیه بو رسمیلرنی میلادی ۲۰۲۳-ییلده اوروش باشلنگنیدن حاضرگچه غزهده تیزیملی طرزده «قیرغین قیلیش و بشریت گه قرشی جنایت» گه عیبلهگن.
اسرائیل بو اقدامنی «ریکلمه نمایشی» دیب اتهگن و «نفرت بیلن» رد اېتگن. اسرائیل تشقی ایشلر وزیری گیدیون ساعر اېسه ایکس صحیفهسیده شوندهی یازگن: «اسرائیل ایردغاننینگ بو نمایشی چارهسینی حقارت بیلن رد اېتهدی.»
بونگه جواباً، حماس حرکتی تورکیهنینگ بو اقدامینی خوش قرشیلب و اونی «عدالت و ظلم آستیدهگی فلسطین خلقینی قۉللب-قوتلش جسورلیک قرار»دیب اتهگن.
بیر ییل آلدین خلقارا جزا محکمهسی (ICC) اسرائیل باش وزیری بنیامین نتانیاهو و سابق مدافعه وزیری یوآو گالانتنینگ غزهده اوروش جنایتی عیبی بیلن حبس گه آلینیش بویروغینی صادر قیلگن بیرحالده، تورکیه دولتی بوندهی قرار قبول قیلگن.
