معلومات‌لر اساسیده، دوشنبه کونی، ۱۷ دلو، تورکیه و سوریه ده یوز بیرگن کوچلی زلزله تلفاتی اوچ مینگ دن آرتیق کیشی گه ییتگن.
تورکیه میدیالری نینگ گزارشی گه بناً، هوا ساووق‌لیگی قوتقرو تیم‌لرینی قیینچیلیک بیلن دوچ قیلگن.
بیزلرنینگ فیسبوک صحیفه‌میزگه باش اورینگ!
۷.۴ درجه ریشترلیک اوشبو زلزله، تورکیه مرکزی حدودلری و سوریه شمالی نی قیمیردتگن. مذکور زلزله تورکیه و سوریه‌دن باشقه قبرس و لبنان‌ده هم حس ایتیلگن.
تورکیه جمهور باشلیغی رجب طیب اردوغان، اوشبو قانلی حادثه دن کیین ییتی کون‌لیک عمومی ماتم اعلام قیلگن.
عین حالده، اوتگن کون تورکیه جمهور رئیسی رجب طیب اردوغان مذکور زلزله ده ۹۰۰ دن آرتیق کیشی اولیب و قریب ۵۴۰۰ کیشی ایسه یره‌لنگنینی ایتگن ایدی.
جناب اردوغان نینگ کوپه‌یتیریشیچه، مذکور واقعه ده ۲ مینگ ۸۱۸ بنا تخریب بولگن.
بیزلرنینگ توییترده هم تعقیب قیلینگ!
تورکیه دولت رهبری رجب طیب اردوغان، حادثه باعث زیان کورگن‌لر گه یاردم بیریش اوچون ۴۵ مملکت دن یاردم تکلیفی بیریلگنینی معلوم قیلگن.
ایتیش کیره‌ک که، اوشبو رقم نهایی ایمس و تلفات رقمی آرتیب بارماقده دیر.
اوتگن کون تانگ چاغی تورکیه‌ده زلزله یوز بیرگنیدن کیین، اوشبو مملکت نینگ جنوب شرقی‌ده ینه هم ۷.۵ درجه ریشترلیک زلزله یوز بیرگن.
