اسلام امیرلیگی تشقی ایشلر وزیری امیرخان متقی، کابل ده تورکیه ایلچیسی جنک اونال بیلن اوتکزگن وداعلشوو اوچرهشوویده، منطقهای و ایکی تامانلمه مسئلهلر همده سیاسی و اقتصادی علاقهلرنی کینگهیتیریش توغریسیده صحبت قیلگن.
تشقی ایشلر وزیرلیگی، بوگون (۸-قوس، شنبه)، بیر بیانیه آرقهلی، کابل ده تورکیه ایلچیسی صفتیده جنک اونالنینگ ماموریتی یکونلنگنینی یازگن.
امیرخان متقی، تورکیهنینگ اسلام امیرلیگی و پاکستان آرهسیدهگی مذاکرهلرگه میزبانلیک قیلیش توغریسیدهگی سعیوحرکتلری همده ایکی تامانلمه علاقهلرنی مستحکملشده اونالنینگ خذمتلرینی قدرلهگن.
اوتگن تورت ییلده، تورکیهنینگ اسلام امیرلیگی بیلن یقین مناسبتی بولیب و بو مملکت ایلچیخانهسی کابل ده فعال دیر. شونینگدیک تورکیه حمایتی بیلن افغانستان ده بیر قطار تعلیم و ترقیات بوییچه لایحهلر عملگه آشیریلگن.
