ایران جمهور باشلیغی ابراهیم رئیسی بولگن تیک‌اوچر قوله‌گنیدن سۉنگ منطقه مملکت‌لردن بیرقطاری قیدیرو عملیاتیده ایران بیلن همکارلیک قیلیش اوچون تیارگرلیک کورستگنلر.
افغانستان سرپرست حکومت تشقی ایشلر وزیرلیگی اوشبو مناسبت بیلن بیر بیانیه ترقه‌تیب، بو خبرنی «قورقو و امید» بیلن اېزله‌ماقده و رئیسی، عبداللهیان و بیرگه‌لریده‌گی باشقه کیشی‌لر اوشبو حادثه دن قوتیلیش گه امید بیلدیرگن.
سرپرست حکومت تشقی ایشلر وزیرلیگی گه کوره: «حاضرگی قلتیس احوال ده برادر و قۉشنی ایران دولتی و خلقی یانیگه توریب و یامان واقعه یوز بیرمه‌گن‌لیکّه امیدوار دیر.»
بیزلرنینگ فیسبوک صحیفه‌میزگه باش اورینگ!
آذربایجان جمهور باشلیغی الهام علی‌اوف، واقعه دن نیچه ساعت آلدین رئیسی بیلن اوچره‌شگن اېدی، اجتماعی ترماق‌لرده ترقه‌تگن پیامیده، بو خبرنی اېشیتیب قیغولنگنینی بیلدیرگن. اونینگ یازیشیچه: «آذربایجان جمهوریتی هر قنده‌ی همکارلیک اوچون تیار دیر.»
تورکیه جمهور باشلیغی رجب طیب اردوغان، رئیسی و بیرگه‌سیده‌گی کیشی‌لر بولگن تیک‌اوچر نینگ قولش خبرینی اېشیتیب قیغولنگنینی معلوم قیلگن. اردوغان ایکس اجتماعی ترماغی ده یازیشیچه: «بیز بو واقعه نی یقیندن کوزه‌تماقده‌میز. ایران رسمی‌لری بیلن علاقه‌ده‌میز و هر قنده‌ی همکارلیک اوچون تیار میز.»
شونینگدیک سعودی عربستان و قطر، حاضرگی قلتیس احوال ده ایران اسلامی جمهوریتی یانیده بولیب و قیدیرو عملیات ده کېره‌ک بولگن حالده، یاردم بیریش اوچون همکارلیک قیلیش گه تیارگرلیک کورستگنلر.
بیزلرنینگ «ایکس» ترماغی ده هم تعقیب قیلینگ!
ایران یېتکرمه‌لری نینگ معلوماتی اساسیده، اوشبو مملکت جمهور باشلیغی ابراهیم رئیسی، تشقی ایشلر وزیری حسین امیر عبداللهیان و باشقه بیر قطار کیشی‌لر بولگن تیک‌اوچر، ۳۰-ثور، یک‌شنبه کونی ایران آذربایجان شرقی ولایتیده «دیزمار اورمانی» ده قوله‌گن.
معلومات‌لر گه کوره، اونلب قیدیرو تیم‌لری تیک‌اوچر قوله‌گن محل گه یوللنگن بولسه ده، لېکن اوشبو تیک‌اوچر نینگ تاپیشه آلمه‌گن.
رئیسی یک‌شنبه کونی ایران بیرقطار عملدارلری بیلن شرقی آذربایجان گه بارگن اېدی و آذربایجان جمهور باشیلغی الهام علی‌اوف بیلن بیرگه، ارس چېگره دینگیزی ده بو ایکّی مملکت یاردمی بیلن قوریلگن «قیز قلعه توغانینی» افتتاح قیلگنلر. بو واقعه رئیسی بولگن تیک‌اوچر ایران تبریز تامان یوللنگن بیرحالده یوز بیرگن.
