امریکا جمهور باشلیغی دونالد ترامپنینگ ایتیشیچه، ونزویلا یوقاری صفتلی و تحریم بولگن ۳۰ دن ۵۰ میلیون بشکه نفتنی بو مملکت گه تاپشیرهدی.
خلقارا ییتکرمهلرنینگ بوگون (۱۷-جدی/ ۷-جنوری، چهارشنبه)، گزارش بیریشیچه، امریکا گه ونزویلا تامانیدن تاپشیریلگن نفت بازار قیمتیگه ساتیلیب و اونینگ درآمدی ترامپ آرقهلی کنترول بولهدی.
امریکا جمهور باشلیغینینگ کوپهیتیریشیچه: «اوشبو نفت سقلاوچی کیمهلر آرقهلی آلینیب و توغری امریکا دهگی یوک توشیریش بندرلریگه انتقال بیریلهدی.»
ترامپنینگ اورغولشیچه، امریکا بوییچه انرژی وزیری کریس رایت، بو ریجهنینگ عاجل بیر شکلده عملگه آشیریلیشینی بویروغ بیرگن.
ونزویلا ایکی دهه آلدین، کونده اوچ میلیون بشکه نفت صادر قیلهر ایدی؛ بیراق اونینگ نفت آستقورمهلریگه سرمایه یاتقیزیلیش کمهیگنی سبب، حاضر کونده بیر میلیوندن آزراق بشکه گه ییتیشگن.
بوندن آلدین ترامپ، امریکا نفت کمپنیهلری ونزویلانینگ خراب بولگن آستقورمهلرینی قیته قوریش و نفت ذخیرهلریدن فایدهلنیش اوچون میلیاردلب دالر سرمایه یاتقیزیشگه تیار دیر.
امریکا آرقهلی ونزویلا جمهور باشلیغی نیکلاس مادورونینگ قولگه آلینگنیدن کیین، اونینگ اورینباسری قدرت گه ایریشدی. امریکا مادورو و اونینگ تورموش اورتاغینی نیویورککه انتقال بیریب و اولرنینگ قورال و بنگیوار مادهلر قاچاقی عیبی بیلن محاکمه قیلیشی ممکن.
